風之谷蛋包飯

營業中

休息中

今次叫咗一個飯同一個小食，食就叫咗咖喱吉列豬扒蛋包飯，豬扒仲係熱辣辣同脆卜卜嫁，個飯底仲要我最中意嘅炒飯底添，咖喱唔會好辣，裏面仲放咗薯仔添，咖哩煮出嚟嘅薯仔真係無得彈呀！將d咖喱同炒飯一齊飯，夠哂香口同好食😋另外最欣賞嘅係豬扒同飯係分開裝，就算要叫外賣都唔怕豬扒會變稔！食完成盒飯真係夠哂滿足😌小食仲叫咗七味炸豆腐，一盒有6粒豆腐，食落口個陣豆腐仲係熱辣辣，而且仲係外脆內軟，好香口！配埋店舖送嘅沾汁同沙律醬，可以自行選擇食咩醬汁，你想原汁原味唔加任何醬汁都得！