影片
更多
2021-06-30
1544 瀏覽
琴日女朋友同我補祝生日，去左食呢間既Omakase。入到去發現其實唔止得Omakase食，佢有分到好多唔同既區域，酒吧、串燒、鐵板燒都有，後來聽返人講呢度有成14000呎，而家諗返真係應該行返個圈參觀下都好。一入店就已經感覺到好grand，每個小區域都係得十個位左右對住廚師，可以話係「小班服務」，區域之間既空間都好大，環境有Ｄ暗，有落club既感覺。今次為我地服務既係大倉正孝師傅，佢識講廣東話架，佢話佢已經黎左香港四十幾年。我之前都食過幾次Omakase，但第一次由日本人師傅主理，所以未食都覺得好正宗呀！前菜有兩道，第一道係水雲山芋，師傅話撈均Ｄ山芋先食就最好。入口有種清新既酸甜味，而水雲好爽口，配搭住滑嘟嘟既山芋，令人食慾大增，相當開胃。第二道係日本靜岡溫室番茄酸醋啫喱火箭菜沙律：紅色既番茄，黃色既啫喱，綠色既火箭菜配搭出好靚既效果。去左皮既番茄食落都好多汁，而Ｄ酸醋啫喱唔太酸，唔會掩蓋到Ｄ番茄本身既味道。之後黎既係北海道厚岸生蠔。隻蠔脹卜卜好大隻，有我手掌咁大。師傅已經用左Ｄ配料同醬汁調味，同埋係已經起左肉唔會黐住個殼。蠔肉好creamy同冧身，完全唔腥，十分鮮美！而Ｄ調味有好淡既
入到去發現其實唔止得Omakase食，佢有分到好多唔同既區域，酒吧、串燒、鐵板燒都有，後來聽返人講呢度有成14000呎，而家諗返真係應該行返個圈參觀下都好。一入店就已經感覺到好grand，每個小區域都係得十個位左右對住廚師，可以話係「小班服務」，區域之間既空間都好大，環境有Ｄ暗，有落club既感覺。
今次為我地服務既係大倉正孝師傅，佢識講廣東話架，佢話佢已經黎左香港四十幾年。我之前都食過幾次Omakase，但第一次由日本人師傅主理，所以未食都覺得好正宗呀！
前菜有兩道，第一道係水雲山芋，師傅話撈均Ｄ山芋先食就最好。入口有種清新既酸甜味，而水雲好爽口，配搭住滑嘟嘟既山芋，令人食慾大增，相當開胃。
第二道係日本靜岡溫室番茄酸醋啫喱火箭菜沙律：紅色既番茄，黃色既啫喱，綠色既火箭菜配搭出好靚既效果。去左皮既番茄食落都好多汁，而Ｄ酸醋啫喱唔太酸，唔會掩蓋到Ｄ番茄本身既味道。
之後黎既係北海道厚岸生蠔。隻蠔脹卜卜好大隻，有我手掌咁大。師傅已經用左Ｄ配料同醬汁調味，同埋係已經起左肉唔會黐住個殼。蠔肉好creamy同冧身，完全唔腥，十分鮮美！而Ｄ調味有好淡既甜味，又唔會太搶個蠔肉既鮮味。
再黎係左口魚海膽卷：用左口魚薄薄既魚肉包住creamy既海膽。左口魚味道本身偏淡，但魚肉拌合左海膽既感覺令到Ｄ海膽唔會好似一陣風咁就食完，享受既時間可以延長，係一個好好既設計。
然後有雞魚（伊左幾）同火炙金目鯛。
雞魚既肉質比較一般魚生口感較爽，味道係淡Ｄ果類。
而火烤過既金目鯛依然保持住魚肉既鮮味，可以先聞下個烤味再食，咁又有烤味又有鮮美，雙重享受。
之後有牡丹蝦。呢個牡丹蝦既擺盤好靚，用蝦尾展開放係前面，同蝦肉一齊放係一片檸檬上面，唔單止顏色靚，蝦肉本身沾上左少少既檸檬汁令牡丹蝦既味道更有層次。
再黎有響螺（粒貝）同烤竹籤魚。
呢個響螺佢會有少少岩鹽伴碟畀你，我未試過響螺片點鹽食，但原來係咁正，因為佢令個螺肉既甜味冇咁寡，我直頭覺得我以前都係食錯哂。
而竹籤魚望落有Ｄ似秋刀魚，上面師傅已經用刀切開左一格格，烤過之後既魚肉依然好嫩滑，唔似秋刀魚咁結實，再加埋青檸汁，有種食泰式烤魚既感覺。
然後師傅用紫菜包住岩岩燒好既帶子，親手遞畀我地。粒帶子好大粒，好似食緊飯團咁。半熟既帶子非常鮮甜，用紫菜包住又有Ｄ脆口既感覺，都係好有層次既一個設計。
跟住就開始食壽司。
第一道係小肌，從未聽過呢種魚，真係孤陋寡聞。佢既肉質有Ｄ似鰻魚，不過淡Ｄ。師傅話已經有醬汁，唔需要特別點豉油。
之後係深海池魚，味道都係偏淡，完全冇雪味同唔腥。
再黎有赤貝，師傅再顯刀功，將赤貝既邊位都切開一瓣瓣，可能因為表面面積增加左，鮮味都會多Ｄ，十分爽甜。
跟住有北寄貝壽司，同我地平時食開紅色既北寄貝唔同，佢係灰色既。後來睇返不來紅色果Ｄ係熟左既，灰黑色先係生既，再次覺得自己好背。生既北寄貝感覺爽滑Ｄ，好似甜Ｄ添。
之後開始係濃味Ｄ既壽司，先黎食海膽壽司，留意到師傅可能畀男仔會食多Ｄ，我女朋友件壽司有三份海膽，而我果件係有四份海膽係入面！感覺好幸福。
跟住係鰹魚，配有少少薑蔥係上面，魚肉比較有咬口，魚味都濃郁Ｄ。
然後係火炙過既黑睦，呢種會烤得熟ＤＤ，但都依然食到鮮味。
到我最鍾意既拖羅，肥美甘香唔使講，最神奇既係入口即化既感覺，想係個口食耐Ｄ都冇，唔講以為食緊免治肉。
之後有個海鰻，醬汁會比較多，好似同鰻魚有Ｄ唔同，肉質會厚Ｄ，一樣都係冧唔使咬咁滯。
之後有個好特別既，係用蔥黎整既壽司。呢Ｄ蔥同我地平時食開既有Ｄ分別，好幼身，味道有少少似沙律菜或者豆苗，偏濃味，未必人人岩，我就覺得唔錯。
侍應然後送上一碗牡丹蝦湯。唔知係唔係頭先食果隻牡丹蝦既頭黎，裡面有一個蝦頭，有好多紅色既蝦膏，仲有三粒細細既丸子，都幾精緻。
之後係拖羅黃蘿蔔飯卷：拖羅配合黃蘿蔔一齊食，爽脆既黃蘿蔔都沾上左拖羅既油香，仲有外層有芝麻既飯，真係有多種既味道架。
最後一道壽司係干瓢卷，師傅話係佢故鄉東京既名物黎，係一種瓜，後來睇返原來係葫蘆瓜，味道爽甜，作為食甜品前清清口腔既一道菜好合適。
甜品有蜜瓜同綠茶雪糕（另外有柚子雪葩揀），蜜瓜好香甜，雪糕都好夠幼滑。
講到最尾不得不提，大倉師傅既服務真係好好，佢好鍾意用本圖鑑書同我地分享返每種係咩魚，而望住佢整野食，我認為都係一種享受黎。唔單止咁，食完飯仲送到我地出門口，望住我地離開視線範圍，呢種待遇好似果Ｄ日本既旅館咁，有少少覺得自己去左旅行咁呀。
晚餐Omakase價錢係$1,600，但呢種質素既環境服務同食物都對得住呢個價，值得豪下。
張貼
