喜記 (已結業)

昨日（24/4/2020）在喜記，叫了兩份下午茶，鮮蝦雲吞麵及叉燒湯米粉，兩份下午茶都抵食，份量足夠，埋單只是$68。今日（25/4/2020）又再幫襯，點了兩份午餐，川弓白芷魚雲湯米及梅菜蒸鯇魚，川弓白芷魚雲好少地方有得食，味道濃厚及鮮味，材料很多，好滿足。梅菜蒸鯇魚都好好味，同白飯食，可食兩碗飯，梅菜唔太咸，鯇魚蒸得剛好，魚肉很滑，份量都大份，由於太美味，全部食晒。價錢合理，又搵到一舖食魚餐，值得推薦給大家。