影片
更多
2007-02-24
14 瀏覽
尋日行開佐敦，諗住去試金龍咖喱，點知初九先開；佐敦咖喱又超多人。聞名不知見面，咪試吓美都囉！上到樓上，冇晒窗邊卡位喎。不過坐落幾有懷舊feel。我諗坐到窗邊卡位會仲好feel。我一睇個餐牌，我見到有啲珍肝、豬肝飯。依家啲新茶記冇乜o架啦。佢哋出名焗排骨飯緊係要試啦。另外因為我唔鍾意食蓮子，所以我要咗個菠蘿冰。評語：1) 焗排骨飯($43)排骨- 幾好食。因為係用腩排整。(即係喺街食生炒排骨嗰隻骨，自己本身食腩排)食開焗豬扒飯依個飯都有啲新鮮感飯- 炒得唔油。但我個人徧好多汁，個飯食晒啲排骨已經冇汁，唔夠味。落order有冇得多汁？2) 菠蘿冰($17)用新鮮菠蘿整係加分地方。飲落係啲有啲蘿菠味o既糖水，OK o既~總結：味道一般啦。如果想食焗豬扒飯而唔係食排骨我鍾意食快餐店嗰啲多啲。要再食啲焗飯都係因為俾面我最愛o既腩排！不過我應該會再嚟，因為鍾意啲裝修，同埋揭腳飲杯都OKo既，第日行開廟街攰都再嚟。
上到樓上，冇晒窗邊卡位喎。不過坐落幾有懷舊feel。我諗坐到窗邊卡位會仲好feel。
我一睇個餐牌，我見到有啲珍肝、豬肝飯。依家啲新茶記冇乜o架啦。
佢哋出名焗排骨飯緊係要試啦。另外因為我唔鍾意食蓮子，所以我要咗個菠蘿冰。
評語：
1) 焗排骨飯($43)
排骨- 幾好食。因為係用腩排整。(即係喺街食生炒排骨嗰隻骨，自己本身食腩排)食開焗豬扒飯依個飯都有啲新鮮感
飯- 炒得唔油。但我個人徧好多汁，個飯食晒啲排骨已經冇汁，唔夠味。落order有冇得多汁？
2) 菠蘿冰($17)
用新鮮菠蘿整係加分地方。飲落係啲有啲蘿菠味o既糖水，OK o既~
總結：
味道一般啦。如果想食焗豬扒飯而唔係食排骨我鍾意食快餐店嗰啲多啲。要再食啲焗飯都係因為俾面我最愛o既腩排！
不過我應該會再嚟，因為鍾意啲裝修，同埋揭腳飲杯都OKo既，第日行開廟街攰都再嚟。
張貼