高麗軒韓國料理 (已結業)

放題就食得多，但仍然覺得食物質素行先。今次黎到韓國燒烤放題，食物質素高，真係食到停唔到口。一去到已經好多人要排一陣隊，不過到你食既時候果10幾分鐘絕對值得。坐好後，店員就會同你講清楚邊d係任叫邊d係要加錢既，同堆飲品自己任拎。對於食肉獸既我黎講，雞、牛、豬頸肉都各叫左一份。雞肉就肉質嫩滑，小心咬下去會有汁燙到舌頭；牛都幾驚喜，因為去開普通韓燒既牛都有點老，咬極都扯唔開d肉，叫我如何是好，但呢度既牛係爽口，唔會有以上難堪的感覺。海鮮方面都好抵食，一大碟帶子，成十幾粒；仲有扇貝，都係新鮮既食材。除左燒物外，叫左一個泡菜海鮮薄餅，剛煎好熱騰騰，是我的”菜”；最後以一個牛肋骨湯作結，飲返碗湯補下潤下。