影片
更多
2021-07-22
18 瀏覽
之前上網見有人介紹過呢間嘢，一直心郁郁想試，但係有兩次行過要等位所以放棄咗，尋日早收工，見有位，即刻去試吓。自問鍾意食肉同刺身，所以見到個餐牌嘅時候又要諗好耐食邊樣好，點知朋友好豪氣咁講，兩樣都叫呀🤣真係好了解我。於是乎我哋就叫咗個刺身飯、豬肉飯同一份好吸引嘅烤牛肉😍牡丹蝦三色刺身丼$128牡丹蝦都幾大隻，另外有三塊三文魚、一件帶子同三文魚子，同一般餐廳刺身飯差唔多，不過飯量算多。香煎西班牙黑豚配鵝肝丼$128呢個份量更大，豬肉口感好特別，好嫩好滑，同平時食嘅好唔同，上面淋咗啲芝麻醬，好夾，如果可以再加多少少芝麻醬就更好啦，因為啲飯偏多，而且冇加壽司醋，所以需要啲味送飯。鵝肝煎得好香，尤其係層皮，脆脆地，鵝味好重，鍾意食鵝肝嘅人應該會鍾意。火炙頂級牛肉配香辣粉$98呢個牛好唔錯，好香好有牛味，大概7成熟，易咬又有少少嚼勁，加埋啲香辣粉好滋味，200g原來都唔少，每人都食到5大塊，推介呢小食。另外可以加錢飲特飲，好少見餐廳有紫薯牛奶，所以要咗杯嚟試吓，甜甜地暖暖地，飲落好舒服，下面有紫薯粒記得要一齊食，好正。朋友杯青瓜青萍果沙冰都好靚，好適合打卡，朋友話甜咗少少，不過好飲嘅，大家下次去可
自問鍾意食肉同刺身，所以見到個餐牌嘅時候又要諗好耐食邊樣好，點知朋友好豪氣咁講，兩樣都叫呀🤣真係好了解我。
於是乎我哋就叫咗個刺身飯、豬肉飯同一份好吸引嘅烤牛肉😍
牡丹蝦三色刺身丼$128
牡丹蝦都幾大隻，另外有三塊三文魚、一件帶子同三文魚子，同一般餐廳刺身飯差唔多，不過飯量算多。
香煎西班牙黑豚配鵝肝丼$128
呢個份量更大，豬肉口感好特別，好嫩好滑，同平時食嘅好唔同，上面淋咗啲芝麻醬，好夾，如果可以再加多少少芝麻醬就更好啦，因為啲飯偏多，而且冇加壽司醋，所以需要啲味送飯。鵝肝煎得好香，尤其係層皮，脆脆地，鵝味好重，鍾意食鵝肝嘅人應該會鍾意。
火炙頂級牛肉配香辣粉$98
呢個牛好唔錯，好香好有牛味，大概7成熟，易咬又有少少嚼勁，加埋啲香辣粉好滋味，200g原來都唔少，每人都食到5大塊，推介呢小食。
另外可以加錢飲特飲，好少見餐廳有紫薯牛奶，所以要咗杯嚟試吓，甜甜地暖暖地，飲落好舒服，下面有紫薯粒記得要一齊食，好正。
朋友杯青瓜青萍果沙冰都好靚，好適合打卡，朋友話甜咗少少，不過好飲嘅，大家下次去可以叫少甜就更好啦😌
張貼
