影片
更多
2023-05-01
57 瀏覽
工廈西餐好多時都到喉唔到肺，最後發現只係價錢拍得住正統西餐。 今晚終於係觀塘發現到一間環境同味道都高分嘅餐廳，難怪keep到零負評。芝土焗元貝釀蟹肉雖然元貝唔係話超大粒，但都彈牙有鮮味，重點係個蟹膏野菌忌廉汁真係超級香，淨係雜菌同菠菜點個汁都食到舔舔脷，係好出色嘅前菜。香煎法式鵝肝大塊厚身，外脆內軟好甘香。 梅酒糖心蛋有淡淡酒香，蛋味香濃。干邑龍蝦湯蝦味好濃郁，好似南瓜湯咁濃稠，飲得出好足料。 本來對蝦肉冇乜期望，估唔到鮮甜得黎仲有簡單調味，有加分。杜洛克黑毛豬鞍好juicy，切開好似保濕豬鞍咁水潤，亦都食到豬肉嘅肉香。 奶油千層薯尤其有驚喜，未食過夾住滿滿cream cheese嘅薯仔片，邪惡但真係好好味。鹿兒島A4和牛西冷配慢煮和牛臉頰雖然係全個Menu最貴，但絕對物有所值，下次嚟都會再叫。 尤其是A4和牛西冷煎得啱啱好，一咬個肉汁同油脂嗶晒出嚟，鍾意食日本和牛嘅人絕對會覺得好滿足。 和牛臉頰相對上就瘦啲，係類似牛腩牛展個種軟滑，肉味濃。跟餐嘅朱古力mousse cake完全係特濃朱古力，濃厚creamy好滿足。 一場黎到當然加錢試埋最出名嘅tiramisu，名不虛傳，淨係個cre
芝土焗元貝釀蟹肉雖然元貝唔係話超大粒，但都彈牙有鮮味，重點係個蟹膏野菌忌廉汁真係超級香，淨係雜菌同菠菜點個汁都食到舔舔脷，係好出色嘅前菜。
香煎法式鵝肝大塊厚身，外脆內軟好甘香。 梅酒糖心蛋有淡淡酒香，蛋味香濃。
干邑龍蝦湯蝦味好濃郁，好似南瓜湯咁濃稠，飲得出好足料。 本來對蝦肉冇乜期望，估唔到鮮甜得黎仲有簡單調味，有加分。
杜洛克黑毛豬鞍好juicy，切開好似保濕豬鞍咁水潤，亦都食到豬肉嘅肉香。 奶油千層薯尤其有驚喜，未食過夾住滿滿cream cheese嘅薯仔片，邪惡但真係好好味。
鹿兒島A4和牛西冷配慢煮和牛臉頰雖然係全個Menu最貴，但絕對物有所值，下次嚟都會再叫。 尤其是A4和牛西冷煎得啱啱好，一咬個肉汁同油脂嗶晒出嚟，鍾意食日本和牛嘅人絕對會覺得好滿足。 和牛臉頰相對上就瘦啲，係類似牛腩牛展個種軟滑，肉味濃。
跟餐嘅朱古力mousse cake完全係特濃朱古力，濃厚creamy好滿足。 一場黎到當然加錢試埋最出名嘅tiramisu，名不虛傳，淨係個cream已經好香滑有奶香，如果手指餅再浸至濕透軟爛會更好。
張貼
