尚素 (已結業)

今晚同朋友黎左食素，佢介紹左尚素，平時黎開食lunch set，今晚大家一齊試下佢嘅晚飯。落單不久後送上餐前小吃，竟然係紫米糕，通常都係當甜品食，但作為前菜甜甜地，一陣椰子香，又無乜野喎，好快KO左。牛肝菌煎芙蓉鮮竹 ($138)呢個勁有驚喜！！開頭以為係煎蛋豆腐之類，原來加左鮮腐竹煎起上黎咁滑，加上牛肝菌嘅菌香，超好味，爭住食哂。XO牛肝菌炒飯 ($98)炒飯很乾身，一點都不油膩。XO醬，雜菜，雜菌，看似簡單的食材，但食落唔寡，又係好快KO左。乳香炒麵 ($88)這個又係同想像中唔同，以為會係南乳炒麵之類，原來係普通炒麵上有一塊腐乳，炒麵味道似早餐那種，不過混了腐乳咸咸地又幾香口，都好好味喎。一品燒賣 ($42)叫了一籠點心過過口引，素燒賣，包裹著豆苗，竹笙等，咬落清甜多汁，好味。純素雪糕 ($38)吃罷有點意猶未盡，點了雪糕作甜品，是沒加牛奶的純素雪糕。樁子同香蕉焦糖味啡色的是樁子味，很香的堅果味，仲有粒粒樁子碎，很有口感。後面淡啡黃色的是香蕉味，打開已有強烈的蕉香，加上甜甜的焦糖，很易入口，沒有奶的雪糕一樣很滑呢，不過質感略硬，可能雪得較久？很飽很飽，好滿足呀。