皇府粥麵廚房 (已結業)

應該冇有好多人留意到利園對開有幢新野，有好幾間似乎唔錯既餐廳。同之前位食評人一樣，本身係想試SR GALLERY的，點知SECURITY叔叔指我地入o個部LIFT明明有SR GALLERY 個標誌，但係唔停o個層!!?!?!?!! 咁我地決定轉戰七樓既皇府。多出入九龍塘既都知道，又一城要好食又唔太貴既餐廳，皇府真係最好既選擇。食神叉燒飯更加係簡單好味。依間新開既皇府，裝修明顯比又一城o個間輝煌好多，好明顯係落足本。不過當晚正值星期日，入去時只有一檯客。我地坐左咁耐，先有一檯新既入黎。心諗：應該有一段時間可以o係度靜靜地又唔使BOOK檯咁食下飯喇!講返是晚食乜：經典食神叉燒飯、花膠（唔記得配咩）粥，同埋招牌燒腩仔。唔係中菜專業食家，所以除左「好好食」之外唔知可以點形容。加上當晚服務好好（可能因為得我地一檯），所以成晚都食得好開心。唔俾個LIKE佢都唔得。