Chop Chop 食神叉燒 (宏安道) (已結業)

Chop Chop 高質燒味最近同朋友行經炮台山，見到有間門面大大個招牌「食神叉燒」既餐廳，身為睇過星爺食神既fans,電影畫面即刻係腦海浮現，即刻同朋友入去試🤪 餐廳裝修係復古大牌檔路線，都幾特別。 一坐低就望望餐牌，即刻叫左最想食既黯然銷魂飯！ 同埋叫左個燒鵝燒腩雙拼😄叉燒味道非常濃郁多肉汁，一d都唔乾柴亦唔硬，燒得十分入味，調味屬於偏甜，再配合煎太陽蛋同飯，簡直就係絕配。燒腩亦相當高水準，食落口真係哇一聲，外皮燒得好香脆，脂肪同瘦肉既比例亦非常靚，唔會覺得過肥或過瘦，十分推薦！燒鵝雖然冇燒腩咁令人驚嘆，但亦相當唔錯，外皮唔會好肥膩，薄薄地剛剛好，肉亦唔會老同「鞋」整體黎講呢間餐廳的確唔錯，燒味真係做得幾出色，餐廳員工服務態度都好友善，值得大家一試