PizzaExpress (康怡廣場北座) (已結業)

同男朋友慶祝情人節，就去咗呢間餐廳，見佢靚靚仔仔咁又幾有情調。一坐低啲staff都會嚟sell下你食咩好咁，都幾好人幾主動，我覺得service係幾好。我哋叫咗兩個頭盤兩個main dish，佢竟然一次過上曬所有菜即刻個印象變得唔好，再加上嘢食真係一般。比依個價錢我會覺得食物質素應該要高啲。首先個pizza因為放得太耐，已經唔熱。然後pizza個底太薄，完全承托唔到個Pizza上面嘅配料，啲配料一路食一路跌，搞到好麻煩。由於Pizza放得太來，個皮都林晒，真係有d失望意粉方面，我哋叫咗個蟹肉意粉，真係唔得囉。個意粉乾爭爭咁，同埋我覺得啲意粉比較林，可能因為煮得太耐啦。Overall我覺得呢間餐廳性價比唔高，食晚飯就唔推介啦。