22
8
2
港鐵太古站 A2 出口 繼續閱讀
所有分店 (23)
電話號碼
31641324
開飯介紹
PizzaExpress 一直以製作真正的意大利薄餅及對音樂的熱愛為傲,自 1965 年起已開始為客人送上以新鮮材料即點即製的手工薄餅。每塊意大利薄餅均由專業 Pizzaiolo - 薄餅師傅們親手製作。 繼續閱讀
特色
適合大夥人
附加資料
無肉餐單詳情: 每天供應多款素食菜式
營業時間
今日營業
08:00 - 22:00
星期一至日
08:00 - 22:00
公眾假期
08:00 - 22:00
公眾假期前夕
08:00 - 22:00
付款方式
Visa Master 支付寶 現金 AE 銀聯 JCB 微信支付
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
支持減塑 詳細介紹
泊車
電話訂座 詳細介紹
賞訂座積分
加一服務費
有關獎賞計劃
招牌菜
水牛芝士薄餅 四季薄餅 帕爾馬薄餅 松露菌薄餅 Roasted Chicken Penne
食評 (40)
等級4 2020-11-19
417 瀏覽
今日約咗老公去康怡購物,順便吃頓飯才回家。本來打算去吃快餐,不過有人突然話好想食意大利薄餅,咁就唔需要多作考慮,一於去「PizzaExpress」!其實呢間「PizzaExpress」間唔中都會嚟幫襯下,不過佢繁忙時間真係好多人,經常要排隊等位。無嚟一排,原來餐廳最近推出咗好多款新口味嘅菜式,好似海鮮沙律、海鮮薄餅、烤雞配蝴蝶粉、松露雪糕等等。先來兩款頭盤做前菜,點了 Garlic Bread 蒜蓉包 ($40) 同 意式焗肉丸。呢度嘅蒜蓉包同我哋平時食開嘅好唔同,外形扁扁的,有點似韓式傳統糖煎餅,食落很有咬口。 Meatballs & Bolognese 意式焗肉丸 ($68)  亦做得很有水準,外形圓渾飽滿,食落肉質唔嚡,完全無豬臊味,入口啖啖肉,配埋個香辣番茄牛肉醬一齊食,味道濃郁又不覺膩。伴吃的香草包質素亦唔錯,相當美味,入口還散發著香草香。主菜點咗個 Seafood Pizza 海鮮薄餅 ($163) 同一客蝴蝶粉。呢度嘅薄餅一向有水準,呢個當然亦唔例外,餅底又薄又脆,加上即點即製,送上桌時仍熱辣辣、脆卜卜,味道很正宗。面頭的材料好豐富,有蝦肉、蜆肉、八爪魚、蕃茜、紅洋蔥、銀魚柳醬等,配合水牛芝士、橄欖和酸豆吃,鮮味得嚟又帶陣陣芝香。另外呢碟 Roasted Chicken Farfalle 烤雞配蝴蝶粉 ($158/小)  亦做得頗不錯,烤雞賣相很漂亮,外皮烤至色澤金黃,咬下非常香口,雞肉嫩滑兼有香濃雞味。蝴蝶粉食味亦不俗,入口彈牙煙韌,有嚼勁,加上酸忌廉、蕃茜和巴馬臣芝士,絕對是一道色香味全的 Pasta。甜品點咗撒滿了可可粉嘅手工杯子意大利芝士蛋糕 ($38),Tiramisu 未放進口已傳來陣陣咖啡酒香,非常誘人。入口濕潤綿密,加上幼滑的 Mascarpone Cheese 同充滿酒香的手指餅,味道濃郁又帶點輕柔,真係令人難以抵抗。飲品點咗新出嘅 Guava Lemonade 石榴梳打特飲 ($38) 同 Ginger Beer ($38),前者用石榴汁、檸檬汁、雪碧及迷迭香炮製而成。入口果味鮮甜濃香,加上價錢又唔貴,真係唔錯。Ginger Beer 薑味濃郁,但不辛辣,味道很清純。見餐牌上仲有好多新口味菜式,有時間會再嚟幫襯。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-09
57 瀏覽
今天出外辦年貨,順道吃意大利午餐。餐廳內部裝修用上大量木材,配合簡約的吊燈,帶出溫暖的感覺。座位寛濶,員工親切有笑容。如意套餐588元,包括兩杯飲品、指定頭盤和兩款自選主菜。荔枝特飲,內有兩粒荔枝肉、青檸檬汁、梳打水和薄荷,口感清涼,味道清甜。西柚特飲,內有一塊特大厚切西柚、蘆薈和雪碧,賣相美觀,酸甜開胃。軟心芝士帕爾瑪火腿蜜桃拼盤,帕爾瑪火腿入口甘香,火腿的咸味和蜜桃的甜味很夾,再加上惹味的軟芝士和苦味的火煎菜,味道層次豐富。牛肝菌西班牙腸薄餅,加18元升級至”升級傳統薄餅”,比一般薄餅較為厚身,變得更有咬口。牛肝菌香氣四溢,西班牙腸惹味,帶風乾了的肉味和咸味,配以火腿、火箭菜及溶化了的芝士,十分滋味。意式燉海鮮湯,青口肉漲卜卜,蝦肉彈牙,帶子鮮甜,八爪魚爽口,湯底主要成份包括蕃茄海鮮醬和白酒,配上蒜蓉油、車厘茄、洋葱和羅勒,濃味的海鮮湯與蒜蓉包一起吃,很美味。餐廳會送一張50元現金券供下次使用。總結:環境適服,員工有禮,食品美味。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-08
37 瀏覽
今年食團年飯真係有啲難,往日會去酒樓食晚飯,今年就改食薄餅,估唔到同樣都係乾手淨腳唔駛煩。新年家庭套餐有多款,任你配搭。<牛肝菌西班牙腸薄餅>這個薄餅的火箭菜及巴馬火腿是分開上,牛肝菌的香味濃烈,配上微鹹的巴馬火腿真是絕配,還有火箭菜的點點苦味,令薄餅增添色彩。<特級瑪嘉麗塔皇后薄餅>薄餅我加錢升級至傳統薄餅,餅底厚左,最重要還是芝士,芝士的香味撲鼻。<意式燉海鮮湯>海鮮湯有多款海鮮,非常豐富,有魚肉、帶子、青口、蝦、八爪魚仔。每樣也非常新鮮,海鮮湯鮮味濃烈,不會太鹹,配上蒜蓉包一起食,蒜蓉包嘅香味同海鮮湯夾。<牛肝菌雞肉螺絲粉>牛肝菌的味道是很濃烈,但對這個螺絲粉來說是配合,雞肉煮得恰到好處,冇鞋口的感覺,飽肚得來又好吃。<青菜沙律>因吃得太多澱粉質及味道濃烈的食物,吃些清菜沙律點點沙律醬中和。<焗麵包球配朱古力榛子醬>麵包球鬆軟,點朱古力榛子醬是一個很不錯的甜品。<烤焗雞翼>雞翼是單點,烤雞翼沒有太多油,雞肉亦嫩滑。買Pizza仲送咗$50現金券,店員仲同我哋講,因為而家外賣自取有85折,現金券同85折優惠,只可以二選一使用。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-26
124 瀏覽
第一次試外賣返屋企食,order啲新菜式先!Seafood salad ($73)竟然有柚子汁,仲要有好多柚子粒,非常開胃!蔬菜好新鮮,而且算多蝦肉Meatball bolognese ($68)肉丸入味而且啖啖肉,醬汁酸酸甜甜,點麵包食啱晒Kale & mushroom truffle pizza ($158)的確好香松露醬味,餅底夠薄又脆,但如果多啲芝士就好嘞Roasted chicken farfalle ($158)半隻燒雞,成隻揸住咬,非常過癮!蝴蝶粉好香蒜味,仲有蘑菇及菠菜點綴,醬汁又唔會好膩Prawn in brown rice ($148)蝦肉好彈牙又算大隻,飯煮得好合香港人口味,軟糯適中,食落仲好入味10分鐘路程,返到屋企仲熱辣辣,滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-22
100 瀏覽
薄餅給人快餐的感覺,但這店將這種快餐提升到另一層次,滿足食慾來更滿足視覺。先來石榴梳打特飲,石榴的粉紅色很漂亮,味道是甜中帶酸。蜜糖檸檬薑熱飲,水夠熱度,薑味突出,配上蜜糖是秋冬之選。前菜為健康輕盈沙律,新鮮沙律菜的顏色十分吸引,上枱時已感覺到健康,除了有芝士外,裏面有多種超級食物,牛油果熟得剛好,烤南瓜特別甜美,紅菜頭軟硬適中,意大利扁豆粒粒綿滑,青瓜爽,羽衣甘藍味道特出,配上酸醋使人開胃。焗麵包球,麵包軟軟的,配上香草醬更是一絕。意式焗肉丸,用上芝士及橄欖,這個汁香而且濃烈,配上薄餅跟汁一起吃簡直美,肉丸彈牙沒有過熟的感覺。主角海鮮薄餅終於來了,先說餅底,真的薄但帶點剛好的柔韌度,每口吃下來有芝士、海鮮及最重要的橄欖香草味,真的不能停下來。甜品是意大利芝士蛋糕,朱古力的甘苦味配上酒的香醇,提升這甜品的層次。味道: 值得一試環境: 店內顏色豐富,但簡約舒適衛生: 整潔服務: 殷勤價錢: 超值 繼續閱讀
(以上食評乃用戶個人意見 , 並不代表OpenRice之觀點。)