影片
更多
2005-09-09
13 瀏覽
尋日我地一家人去慶祝我生日, 咁我諗住去一間比較特別的餐廳, 所以揀呢度.服務方面:其實開頭無咩野, 我地6個人, 叫左5個Set Dinner Share, 加兩個Dessert.點o既過程都無咩野, 咁個老闆就問, 叫唔叫野飲.我個妹只係想Confirm 一次佢係咪指coffee/tea, 問:"係咪set dinner 送架"佢就反問我地: "咁我有乜原因要送呀?"其實我地出得街食野, 唔志在你杯野飲, 只係覺得你咁問有點兒串咀.到叫Dessert, 其實我都知我廢話, 我只係加句叫佢Dessert唔該後上, "老闆話, 緊係啦, 唔通我咁都唔識做咩?" (態度像理所當然, 串串咀咀咁~_~).......食一餐要受你兩次氣.不過講句公道話, 個老闆可能之前受過本地人氣掛, 或者佢覺得香港人喜歡拿著數, 所以先咁態度啦. 然而, 佢都唔應該一竹篙打一船人. 話晒我地成檯人, 6個人, 除左我Parents有1個碩士生3個大學生, 都唔似D 自由行無品o既人啦.食物方面:佢set dinner 都ok, 份量足. 冷盤都幾好食. 個海鮮卷值得推介.main course 方面, 俄
服務方面:
其實開頭無咩野, 我地6個人, 叫左5個Set Dinner Share, 加兩個Dessert.
點o既過程都無咩野, 咁個老闆就問, 叫唔叫野飲.
我個妹只係想Confirm 一次佢係咪指coffee/tea, 問:"係咪set dinner 送架"
佢就反問我地: "咁我有乜原因要送呀?"
其實我地出得街食野, 唔志在你杯野飲, 只係覺得你咁問有點兒串咀.
到叫Dessert, 其實我都知我廢話, 我只係加句叫佢Dessert唔該後上,
"老闆話, 緊係啦, 唔通我咁都唔識做咩?" (態度像理所當然, 串串咀咀咁~_~)
.......食一餐要受你兩次氣.
不過講句公道話, 個老闆可能之前受過本地人氣掛, 或者佢覺得香港人喜歡拿著數, 所以先咁態度啦.
然而, 佢都唔應該一竹篙打一船人. 話晒我地成檯人, 6個人, 除左我Parents有1個碩士生3個大學生, 都唔似D 自由行無品o既人啦.
食物方面:
佢set dinner 都ok, 份量足. 冷盤都幾好食. 個海鮮卷值得推介.
main course 方面, 俄式豬扒都幾好味, 牛脷飯都好合香港人口味.
dessert 就一般, 唔係難食又唔係特別好食
埋單6百幾蚊, 本來我啊爸比tips都係fair o既人, 但係佢好慶個老版咁串, 最尾一毫子tips 都無比.
我地一家人去左對面食雪榚, $25兩隻味, 服務態度又好(你叫佢試味佢都好樂意比你), 又好食, 食完呢間餐廳大家不防到對面輔頭一試.
張貼