悠閑閣餐廳 (已結業)

星期日點幾鐘去到...都幾多人...等o左一陣先有位...係咪太多人呢...坐低o左都無人serve...水又無...menu都要問兩次先有...終於點o左兩個set...兩款湯都試o下...個人覺得南瓜湯好味過蘑菇湯...主菜叫o左南瓜雞肉意粉...比想像同少南瓜汁...如果多d南瓜蓉做o既沖會更美味...另一個係豬扒蛋配長通粉黑椒汁...豬扒比較薄...不過都尚算煎得香口...意粉係稍為炒過o下...仲有幾條青椒...兩個set味道同份量都ok...不過出菜比較慢...餐飲凍奶茶同凍啡都幾香~ 不過咖啡偏甜~ 不過呢間o野太少員工...等埋單都叫o左三次...等o既途中發現其他人有蒜蓉包...我地一路都無...應該俾漏o左lu...不過費事再等所以無出聲...下次再食一定會留意~ 哈哈~ 雖然今次感覺一般...但睇menu見d tea set都幾吸引...俾多次機會呢間社企cafe...下次再嚟試過!!!