悠閑閣餐廳 (已結業)

叫了all day breakfast，煙肉~乾，腸仔~乾， 皺曬皮，冇肉汁，抄旦還可以，炸薯角，overcook咗，一片煙三文魚， 冇技術可言，唯一讚系磨菇湯~原味冇添加

前排去開個頭，順便食下，一段時間冇去， 原來已經轉左餐牌。早餐未轉，都係咁抵食，三十蚊有肉有麥皮，仲可以嘆番杯熱咖啡。午餐，就調高左價錢，大慨45元以上50幾60較多。不過我都係鐘情蛋包飯。我個日去時約兩點幾。客大慨半場滿，眼見其他人想叫野或埋單，都冇人理，應該話係唔得閒，竟然得一個人係樓面跑來跑去，我都唔敢煩佢了。以為午市咁慘一個人做，原來有兩個去左淋花？之前得閒都會來食，感覺一般啦好似去左茶記食飯，落單態度冷淡又大聲，一來到就話:食咩？感覺冇乜禮貌好唔舒服。佢講野唔正我聽唔清楚，想佢講多次，塊面更黑，好似好阻佢時間咁。可能我黑仔啦呢度雖然叫悠閑閣，但我又唔覺囉，反而員工悠閑就真，打牙骹多過做野。眼見出餐位滿晒野，飲品又放到冰都變水。ladies餐廳女人多就多野講，不過都應留意聲浪同客人叫野出餐等等，唔好兩個堆埋吹水係自己世界。食物方面，湯每日得一款，南瓜或磨菇，如有多一款或其他口味更好。當日係我喜歡的磨菇湯，同行友人話賣相好似嘔吐物同味道偏淡，我個人覺得味道ok 有口感，加埋蒜蓉包食好好味我點左蛋包飯，朋友點左卡邦尼，都好好味。印象係$55&$45左右。 飲品熱咖啡，熱mocha，

on the outside, place doesn't look like much. inside, you can tell it used to be nice, but it seems a bit old and not maintained. prices are cheap and I did not expected much. but the food came out to be quite good. taste and presentation was good. the chef definitely did not just slap together something and sent it.

呢間餐廳交通方面就極有優勢，車停係門外就可以，衛生又好，但比幾年前食物質素勁差，以前意粉同咖啡係一流，食物又可以選擇配搭，啲湯同麵包到好好食，住係附近都覺幸福，而家就行過都唔想望到呢間嘢。啲員工服務又差特別年長果啲。

和小孩放完電後，我們離開天水圍，肚子有點餓，便前往洪水橋吃下午茶。經過悠閒閣餐廳，是一間社會企業，決定試一試。雖然下午茶時段，但還有午市套餐供應，有湯主菜及飲品，價錢也不貴。蘑菇湯菇味濃郁，更有陣陣菇香，非常滋味。蒜蓉包蒜香味濃，焗得香脆，很有咬口。沾上蘑菇湯一齊品嚐份外美味。豚肉菜粒蛋包飯併雞扒雞扒大大件，雞皮很脆，肉質鮮嫩有雞味。蛋包飯有蛋香，蛋汁呈半熟透狀態，與飯起享用提升口感的層次。整體來講非常好吃，有下次。

平日好少到洪水橋，今日特登帶屋企人黎哩間社企餐廳試聖誕大餐! 今次3人行都唔過千元（出面食一定唔得囉），仲有大大隻龍蝦、牛扒，真係社企先做到，叫左個兒童餐俾BB, 有蝦有火雞腿，都只係98蚊，都幾抵食！先講龍蝦質素，個餐有2隻，size大隻，焗得香口都幾彈牙，配上帶子同伴菜。我嘅牛扒order了6成熟，上枱時剛剛好，肉質軟腍，以女仔嘅食量黎講係超大份，一班人share都得，跟餐有Fruit Punch送，前菜煙火雞柚子沙律，火雞肉我麻麻地反而好鍾意柚子沙律，酸酸地作為開胃菜好合適，老公點了煎鵝肝, 因為兩款前菜任揀，咁兩個人梗係叫哂兩款黎試啦。最後甜品係Christmas Pudding作完美句號，甜品都做得唔錯。估唔到社企的食物質素拍得住酒店級，而且價錢比港九區餐廳平一大截，我地食嘅聖誕套餐都只係$268／位，抵食推介！

第二次嚟幫襯，上次食晚餐，質素不錯，見到有all day breakfast 所以嚟試下。星期六12點幾去到都幾多人，好彩仲有枱。叫咗個午餐嘅all day breakfast，包湯同熱飲，好似係$68，價錢都ok。湯係磨菇湯，唔係沖粉，飲得岀係機打碎嘅磨菇，幾好飲，配埋蒜蓉包。主菜有黑松露炒蛋，腸，牛角包，薯條，沙律，蕃茄，煙三文魚同煙肉，全部都係新鮮整，牛角包好香牛油味好鬆軟。炒蛋亦啱啱好，無炒到好乾，煙肉好脆好香口。份量都幾多，女仔食飽咗少少。但好食所以食曬。

踩單車沿路返屋企見到有呢間餐廳，見出面有得擺單車就入去試下，無乜人食嘅，男友人叫左雜扒餐，我食黑松露焗龍脷柳飯，同行友人食肉醬焗薯角。個餐湯唔得，無味嘅，男友人一直食野但無話好唔好食，我個飯就普通，舊魚食左一半就唔想食，食埋個飯底算。男友人見我食淨，就食埋舊魚，一咬佢竟然話好味，因為原來佢個豬扒超乾，真係唔講唔知，唔洗再食第二次。

依間餐廳係我去過嘅所有餐廳入面服務態度最差。1) 入到去發現張枱仲未執乾淨，絕對唔係因為太忙，因為有啲員工係棟緊係度，要提醒佢先識得過黎執。2) 點餐個陣叫佢加多啲醬，個員工竟然話「都唔知你講咩」，如果係我地講得唔清楚嘅話，我覺得可以更加禮貌咁詢問多次，而唔係用啲毫無待客之道嘅態度黎講。3) 總共叫咗4個餐，其中1個意粉遲遲都未黎，其他遲過我地黎嘅客人嘅意粉都黎咗，只好叫職員催一催廚房，過咗20分鐘都仲未黎，再催多次，個員工check一check之後，先再問我地係叫咗邊個餐，明顯係落漏咗個餐啦，咁點解第一次催單嘅時候冇發現依個問題呢?搞到等個早餐都等咗45分鐘，同行嘅屋企人已經一早食完，最後要趕頭趕命咁食完，仲要塊雞扒煎焦哂...... 已經好耐冇寫食評，今次真係嬲到要寫出黎，以後都唔會再黎食！

放假想歎一個休閒的下午茶, 選擇一間休閒的餐廳. 這是一間社企餐廳, 間中都會來用餐, 味道不錯, 價格亦屬中價.今天, 點了一個公司三文治餐, $52一個餐, 味道屬中規中舉. 公司三文治材料足夠, 菜亦很多, 但麵包應該是焗了很久, 所以比較乾和硬, 建議先準備材料再焗麵包啦~餐飲點了一杯熱檸水, 味道就沒有什麼好說了, 但賣相不錯的喔!雖然味道普通, 但都希望大家多多支持社會企業喔~！最後, 亦希望餐廳能多加改善食物質素, 令每位顧客都會感到滿意

今日可以到洪水橋食午餐，上次食過好味的德國餐廳，今日就試下Fantastic ladies cafe的餐。點了兩個餐～1.烤原隻德國咸豬手伴酸椰菜脆脆薯2.燒紐西蘭厚切肉眼牛扒伴雜菜脆脆薯。這裹的咖啡都唔差的～我喜歡這裹的泡沫咖啡。整體環境清靜舒服，晚市可聚會聊天。食物～七成的肉眼牛扒剛剛好，烤原隻德國咸豬手的皮好脆，而且脆脆薯好好味（醬汁都好香）服務都好好。下一次可以試下這裹的晚市套餐，想起都好另人期待

已經幫襯左幾次 今次就試下佢個晚餐是日晚餐叫左個二人餐埋單300幾 價錢相宜 環境亦都幾好沙律 可能我食唔慣 偏苦磨菇湯 失望 有啲一粒粒既野 口感奇怪 味道亦都唔夠磨菇味 如果下次飲都係會簡返南瓜湯主菜肋骨 份量多 味道都唔錯 薯格亦都系岩岩炸起夠脆主菜其他就蠻蠻地不過價錢同環境抵返 都值得一試

今晚到洪水橋探朋友，朋友提議到附近這間社企食飯，就試試吧，我們各自叫了自己的餐，我點了這個墨汁海鮮意粉，先來的就是南瓜濃湯+蒜蓉包還有蔴醬沙律南瓜湯味道偏淡，沙律就是我要求多汁的，而蒜蓉包就最岀色很新鮮和重牛油味讚！這個主菜墨汁意粉說真的看不到是什麼，吃落口就是有洋蔥，青椒，魷魚和青口，墨汁沒有腥味不錯，份量也大我吃不晒啊！這個是我朋友的蛋汁煙肉意粉，就像卡邦尼味道吧！要說的是喜歡他們的意粉硬度適中最怕是那些煮了過火的讚！總結這裡是不錯的餐廳，價錢也合理吧！我朋友也沒介紹錯啊！

是日午餐有大約10-15種選擇 價錢around $40-70左右我就簡左鴨胸蜜桃沙律配芝麻醬試一試 佢個份量好多 都好大碟南瓜湯就唔系好夠濃郁 不過都可以一試蒜容包不夠脆 略為軟身左小小上菜速度很快 環境很清靜

經常光顧此餐廳 品質不錯 但近日光顧發現質素每況愈下 近日再次光顧點了一個午餐牛排配飯 牛排愈來愈薄 雖然有兩塊 但味道已經沒有之前的水準 而且肉質[妹］爛 亦經常留意到餐廳員工 無所事事 永遠有一個員工只企在同一位置 橋手 一副事不關己的樣子 點菜的時候 毫無禮貌 餐廳是否培訓員工如此對待客人 餐廳裏環境毫無氣氛可言 一片愁雲慘霧 而且用餐時 餐廳員工望住客人用餐令人不禁每當賣單既時候 都要擾攘一輪才有員工過來收銀！餐廳是否應該有一名員工專收銀 免得客人等候 環境尚算衛生 但音響過份大聲 影響談天 完全難以聽到朋友說話 只好大聲談天 曾經要求店員調細聲響 但好像無動於衷 而且餐廳冷氣不足 希望餐廳有所改變