蓮香樓 (已易手) 新餐廳

我覺得d點心冇我想像中咁好食,最好食只得"豬瞤燒賣"同"魚肚扎",但不過叫做試下舊式茶樓既風味囉!至於伙計咯喎!哈!...我發覺好多舊式既/老牌既/出名既食肆,d伙計既態度都係比麻麻更麻麻個喎!啱既..無論佢對大家點衰,大家都會繼續幫襯架啦!就算香港人唔幫襯,外地遊客都會幫襯呀!所以...怕乜啫?!但偏偏我就係唔受呢種"老奉"差既服務態度!好似今次咁,我第一次幫襯,唔知道d伙計原來係"分區"既,唔係佢管轄範圍既話,佢係唔會"蘇"你架!咁我不知就裡地咪嗌咗隔離組位伙計開茶...佢即刻一輪咀咁掃過黎,話乜野你嗰檯唔係搵我架!係搵番你嗰邊d伙計架!你唔好嗌我呀!我唔會同你開茶架!我唔得閒理你架!wow...咩野事??飲餐茶啫!咁一係將間酒樓同d伙計制服都整到好似紅館咁分開顏色區別咪唔會攪錯囉!