影片
更多
2020-09-29
154 瀏覽
今日同家人訂左食蜆打邊爐，提早慶中秋。原本滿心期待，結果非常失望。今晚叫左蜆，牛，脆肉脘魚，白鱔，丸同其他蔬菜。除左丸同蔬菜正常，其他食物好難食，簡直不知所謂。所謂餐廳嘅主打食物“扑扑蜆“：勁多沙，真係隻隻都有沙，食到成口沙。啲蜆又細隻，又唔夠新鮮，成煲蜆一放落個爐已經聞到“腥味“。食落，只得“死咸“。牛：原本我哋叫左（細）牛頸脊，落單時店員建議叫（大）牛頸脊。本身我哋都鐘意食牛，所以我哋就話好啦。成碟牛唔係即刻手砌，好明顯雪左一段時間，只可以話免強新鮮。成碟牛都好韌無牛味。埋單仲要發現店員落錯左（大）牛吊龍。價錢比原本我哋想叫嘅牛貴左$70，但仲要唔好食。脆肉脘魚：係脆嘅，但好腥，又好重泥味，超難食。白鱔：呢個好彩唔腥，但完全無魚味，$88呢個價錢唔值。埋單共$1200，一定唔會再黎，重點係唔好食，超超超難食。環境又迫，疫情其間，完全檯貼檯。空氣唔流通，抽風又唔好，食完成身邊爐味。仲要唔係任食都要限時1.5小時，我哋1個鐘左右已經停晒手連爐都熄埋，啲店員不停行埋黎又收碟又抹檯，之後仲要埋左單先。1.5小時都未夠，就要迫你走。明白想做多啲生意，我哋都好配合離開。總結，食物，環境，服務完
今晚叫左蜆，牛，脆肉脘魚，白鱔，丸同其他蔬菜。除左丸同蔬菜正常，其他食物好難食，簡直不知所謂。
所謂餐廳嘅主打食物“扑扑蜆“：
勁多沙，真係隻隻都有沙，食到成口沙。啲蜆又細隻，又唔夠新鮮，成煲蜆一放落個爐已經聞到“腥味“。食落，只得“死咸“。
牛：
原本我哋叫左（細）牛頸脊，落單時店員建議叫（大）牛頸脊。本身我哋都鐘意食牛，所以我哋就話好啦。成碟牛唔係即刻手砌，好明顯雪左一段時間，只可以話免強新鮮。成碟牛都好韌無牛味。埋單仲要發現店員落錯左（大）牛吊龍。價錢比原本我哋想叫嘅牛貴左$70，但仲要唔好食。
脆肉脘魚：
係脆嘅，但好腥，又好重泥味，超難食。
白鱔：
呢個好彩唔腥，但完全無魚味，$88呢個價錢唔值。
埋單共$1200，一定唔會再黎，重點係唔好食，超超超難食。環境又迫，疫情其間，完全檯貼檯。空氣唔流通，抽風又唔好，食完成身邊爐味。
仲要唔係任食都要限時1.5小時，我哋1個鐘左右已經停晒手連爐都熄埋，啲店員不停行埋黎又收碟又抹檯，之後仲要埋左單先。1.5小時都未夠，就要迫你走。明白想做多啲生意，我哋都好配合離開。
總結，食物，環境，服務完全唔合格，好伏，好失望，完全唔明白4百幾個“like"點黎，無下次。
張貼