芽莊 Canteen (已結業)

同妹子和她男朋友一齊，想食濕濕哋唔熱氣嘅嘢，唔係拉麵就係芽莊，想食些小食就揀芽莊。叫咗2個午餐+一個小吃，蝦米仔芥蘭苗+河內雞絲粉$72，香茅雞翼+河內熟牛肉粉$72，越式炸春卷$58。蝦米仔芥蘭苗，芥蘭苗看起來不錯，上面洒了花生碎，和淋了帶乾蔥片的汁，吃下去就是烚菜，失卻了應有的爽脆。河內熟牛肉粉，香菜辣椒青檸分開上，讓客人自己下香菜的份量，是貼心之舉，湯面放了洋蔥絲，又放了大量的蔥花，熟牛肉用了牛腱夠諗。河內雞絲粉，雞絲量多粉滑，食味正常濃淡適中。香茅雞翼食落無咩香茅味，可以不吃。越式炸春卷擺碟可人有心機，幾片青瓜新鮮切的，薄荷葉和九層塔也新鮮，旁邊放醃紅蘿蔔和蘿蔔絲，顏色是漂漂美美的，稍嫌生菜切口有點銹色，不是新剝下的。店員推介是自家包的，新鮮炸熱辣辣脆卜卜，餡料除了粉絲和木耳之外，還有蝦仁，好味！離去時尚有十多分鐘才進入下午茶時段，選擇跟午餐差不多，相同的食物，比多6元多了有杯飲品。