蘇媽.蘇媽馬來西亞茶餐室 (已結業)

我一向好少打食評，好耐之前食過一次，覺得唔錯，今日就帶細佬去試下，食物水準保持到，幾好。但問題來了，係下午茶時段，冇乜客嘅時候，店員都好似睇你唔到咁，而且永遠係背住客人，就算對答都係晦氣模式，想埋單都係用「眼神」去做指引，真係世界級。本來冇乜野，覺得間野可能做起左，啲員工做到滑晒吧。點知上嚟openrice睇一睇，原來好多人都投訴員工嘅服務，咁我都忍唔住出句聲了...希望老細會睇到，啲員工唔知會唔會係你啲親戚，但係既然佢地冇心做，一係就換過晒佢，一係就叫佢地返左工就要對得起份工，蘇媽呢家個朵係：食物可以，免收加一，因為零服務，諗過先好入去，完。（會唔會比機會再去？真係未必了，唔係啲野食唔得）