牧羊少年咖啡館 (白楊街)

營業中

休息中

難食的程度要開 account 寫食評，希望食客想去此餐廳前三思而行。 平時見到門外好多人排隊，好奇心下去試，食後感覺係食物的味道 "超奇怪"和"難食"。當晚親愛的點左 "橄欖油松子蝦仁意粉"， 而我就點左 "紐西蘭牛柳"， 飲完味道一般的紅湯後， 意粉到，賣相不錯但份量偏小 (係女士份量) ， 一試下, 感覺超奇怪， 點解意粉味道係甜的， 蝦都係甜甜的， 再試意粉， 但越食越甜真吃不下去， 問店員為何這麼甜，他回應係這是廚房煮的，他也不知道  (這回應令我以後也不想再幫襯， 並會向我識的朋友提議不要幫襯此店)， 此意粉似甜點多過係主餐！？ 真係第一次食以甜味為主的炒意粉。牛柳到，牛柳超薄，食落超多根，這麼薄也要咬好耐先可以㖔，完全無肉味，茶餐廳比它還好哎〜 最後來杯整晩最正常的飲品- 花茶。超唔好食的晚飯！！結論： 來此餐廳飲杯花茶聊聊天就夠了！但也要限時兩個鐘。