1
招聘中
應徵
$13,000-$16,000
月薪
245
51
29
港鐵太子站 A 出口, 步行約5分鐘 (西洋菜北街, 警察遊樂會附近) 繼續閱讀
所有分店 (5)
電話號碼
27790559
開飯介紹
一家以旅遊作為主題的cafe,大受旅遊愛好者歡迎。牧羊少年咖啡.茶.酒館會定時舉辦文化活動,致力推動本地文化。 繼續閱讀
附加資料
我們每月不定期會舉行旅遊文化活動,屆時將暫停營業1至2小時。如對營業時間有查詢,歡迎致電本店 或留意 FB 同名專頁。
營業時間
今日營業
11:30 - 23:00
星期一至日
11:30 - 23:00
付款方式
Visa Master AlipayHK 支付寶 現金 銀聯
座位數目
70
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座 詳細介紹
賞訂座積分
外賣服務
加一服務費
電視播放
當面支付
有關獎賞計劃
食評 (350)
等級3 2020-01-21
276 瀏覽
今日同朋友一位朋友食飯, 好彩我哋比較早到 ,大約七點鐘左右, 立刻就入到場, 但係由於冇book位,只能夠坐高枱, 所以都建議大家book位, 我哋之後嘅人就要等比較耐位先入到餐廳。我哋分別叫咗兩個dinner set, 嘢飲我就叫咗菠蘿芒果沙冰,酸酸甜甜好開胃主菜我哋分別叫咗一個牛肉漢堡同埋明太子大蝦意粉,先講講漢堡, size好大個, 麵包係黑色( 我諗係竹炭包 ?)比較特別,肉扒多汁唔會乾身, 薯條係一般有薯條, 都炸到卜卜脆。至於意粉, 足料有5隻爽口大蝦, 明太子味唔會太鹹。最後就上朱古力蛋糕, 朱古力味好濃沃, 不過可能因為我個人唔係太鍾意食得太甜,所以食到後面就覺得甜左少少。Overall嚟講, 呢度環境幾好, 食物亦都唔錯, 同朋友坐耐啲,都唔會有畀店員催趕嘅情況。同朋友小聚都建議大家可以嚟呢間餐廳 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-21
864 瀏覽
晚上我們二人突然想起次次行經都見到好多人等候入座的餐廳~牧羊少年咖啡館,於是決心今晚排隊都要試。可能今日係星期一,唔係太多人輪候,服務員問是否已訂枱,我話無,佢話要攞飛,好好彩,服務員話我地係輪候第三張枱。噢!原來是可以訂枱的等候了約15至20分鐘,卒之輪到我們入座了,入面環境唔差,氣氛幾好,好多枱,地方尚算寬敞,行過時起碼唔會撞到人地張枱。我們被安排坐最入的卡位4人枱,這點我要稱讚這間餐廳,唔會因為係4人枱就唔按号碼叫座,2人都比坐。不過好好的環境被附近的食客打擾了,兩張枱的女仕們由我地坐低前高談闊論到我地埋單佢地都未講完,嘥晒餐廳氣氛坐下,看看餐牌,餐牌內既選擇都唔少,有pizza,有主菜,有......嘩,仲有扒。因為係第一次試尼間,我地卒之揀晚市套餐。套餐除左主餐仲包一杯餐牌內不含酒精既飲品同埋一件蛋糕。我地最後揀左明太子蝦意粉配凍原味coco朱古力,另外手工牛肉漢堡 + 薯條配菠蘿芒果沙冰。明太子蝦意粉~大大隻蝦,隻隻都好爽,好有口感, 明太子不是只係係意粉面,而係已經 與意粉拌在一起,啖啖都有手工牛肉漢堡+薯條~漢堡包既皮係竹炭飽,手工牛 肉漢堡唔夠淋,不過都煎得幾 好。薯條就比較炸得略嫌硬左 少少,有少少辣粉都唔錯凍原味coco朱古力~好香朱古力味,幾好飲,個賣相 都唔錯菠蘿芒果沙冰~賣相一流,飲得出菠蘿同芒果味,唔 似一般係街邊買的果汁,尼杯又幾好 味個餐牌本來寫套餐個餐甜品係芝士蛋糕,但可能好賣啦!變左做另一款唔知係咩既蛋糕,蛋糕唔太甜,夠凍,有朱古力碎係面,個底係朱古力餅,都好好食㗎,況且個賣相都唔差,再配合盛住佢嗰隻凍凍的碟子,簡直一流。仲有個溫馨提示,書架上外觀看似年代煙遠的旅遊書,有張貼紙寫住,要攞走要自律交10元比員工先。雖然唔好彩預遇到嘈吵的食客,但食物既味道同賣相都已經能蓋上她們的嘈聲了備註~原來這間餐廳沒有限定用餐時間的,可以慢慢 食,慢慢傾,超正,不過記得下次去時先訂枱 較好 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-12
257 瀏覽
一流。一行18人,有大有細,實在難搵地方去歇腳!難得職員「周先生」細心嘅安排下,令我哋可以好暢順地有地方食嘢!工作人員亦服務好好,細心有禮嘅態度令我感動。祝 新年快樂、生意興隆。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-30
533 瀏覽
前兩日打電話黎book枱但話已經full左要walk in心諗早啲到都無所謂既好啦結果都等左九個字。。。最近食既舖頭都好多人( ´▽`)。。叫左個小食波波腸八爪魚丸。。。其實佢menu個名都已經係咁我都唔知我期待佢上枱係咩樣但見到就咁蜜糖bbq咁又有啲無奈同唔甘心。。咪就係波波腸同八爪魚丸囉。。。。呢個係芝士魚子蝦意粉佢睇上去貌相都ok睇落個汁都撈得幾均食落個味都ok既。。 不過可能係因為芝士所以有啲漏 但其實芝士味唔夠濃所以係冇乜味但又感覺好膩友人話除左蝦都幾好食的確蝦都有少少雪藏味但我認為整體口味偏淡但個質感太濃另一個係黑椒鴨胸意粉少少辣都食唔到既可以直接投降佢唔係好辣嗰種但係食落已經辣 唔屬於後勁凌厲 少少鹹 比起剛才芝士意粉係好食得多不過份量少 鴨胸如圖所見 真係唔多叫左個pizza 我覺得係全枱最好食既( ´▽`)pizza跟千島醬真係冇得輸同埋 見到個pizza咁多個窿 應該係製作時篤 令佢易啲熟由此亦可証明左餅底係自己整蝦都係冰鮮蝦 加蟹柳 千島醬跟海鮮跟pizza就等於好食( ´▽`)套餐跟既cheese cake整得算唔錯 唔係好實好硬又唔會好濕 芝士味都濃最後係兩杯野飲 一個係肉桂茶 屬茶包茶um⋯⋯ 野飲呢啲野就好個人口味我覺得都重肉桂味既 同行者就話唔夠重肉桂味即係我覺得夠濃 佢覺得太淡可能當日天氣凍 冷氣都凍 個茶都好快就凍如果有個燭台㷫住個茶咁就好好多呢一杯係黑梅梳打飲落去就係檸樂檸樂就冇咩好評價啦( ´▽`)酸度就視乎粒梅 繼續閱讀
(以上食評乃用戶個人意見 , 並不代表OpenRice之觀點。)
等級1 2019-12-19
419 瀏覽
再次去牧羊少年,不過第一次去太子店。地方比想像中大,因比較葵芳店同K11同以前荃灣都大。3人共500落樓,炸嘢,意粉同咖啡都好多同區cafe 好食同好飲。大食拼盤個炸得幾脆吓,D腸亦有德國餐廳水準,估唔到炸洋蔥圈同炸蝦幾好食。意粉,平時好怕cafe啲意粉太淋,佢個鴨胸意粉算係乾身好食。Pizza 個底幾脆,食得出自家製的,厚薄適中,D料又唔少,抵讚。鋪頭係有酒牌的,但想飲咖啡。所以點咗有少少酒精的愛爾蘭咖啡,沒有令我失望! 繼續閱讀
(以上食評乃用戶個人意見 , 並不代表OpenRice之觀點。)