炯記餐室

營業中

休息中

晏就黎開長沙灣，見到有間烔記餐室，類似茶餐廳咁，好多野食，中午一支公快食個lunch 岩哂。坐低睇緊menu既時候已經聽到兩枱客人叫手撕雞腸粉，咁我當然唔執輸，試下佢咩料。叫左鴛鴦手撕雞腸粉，鴛鴦既意思係鹽焗手撕雞同麻辣手撕雞。腸粉好食黎講一定要多醬，呢度既醬一啲都唔孤寒，岩哂我中意多醬既人，手撕雞既份量都好多，鹽焗味唔係好咸，麻辣就真係辣，我都食到流鼻涕。睇menu時見到佢張醺蹄幾吸引就叫左，點會諗到茶記都有海蜇醺蹄，毫不猶豫毫叫左。佢海蜇都幾爽口，味道唔咸，又唔會好油。醺蹄好大塊，塊塊都厚切，醺蹄唔係好肥，幾好食。見到炯記餐室個餐牌都幾多野食，有燒味既叉燒有米線、潮式牛腩、碟頭飯、新穎啲有撈丁、手撕雞腸粉、All Day Breakfast ，真係無論咩時段黎，都有岩食既野。