影片
更多
2019-12-25
165 瀏覽
我哋去食下午茶時段，2:15已經有10幾人係門口排緊隊，佢大約2:25開始比人入去，入去前先攞飛，跟住侍應就會帶位，食完走時再比錢。可能因為假期前夕(我哋係平安夜當日去食)，人特別多，有9成滿，食物仲係上一時段食剩嘅食物，之後添加新鮮食物嘅速度好慢😔，好多小菜類同炸物都經常冇得食，呢點有D失望🙁。前菜:酸醋雲耳、泡菜、粉皮 (可自己加麻醬)、酸白蘿蔔青瓜條、麻辣青瓜、酸青瓜紅蘿蔔絲、沙律菜、車厘茄、紅腰豆、鷹嘴豆、燈籠椒、荷蘭豆、粟米、菠蘿、西瓜、哈蜜瓜小食:壽司、炸茄子、炸蕃薯、春卷、咖哩角、芋頭魚、脆麻花、腐皮卷、椒鹽豆腐壽司較普通，入面包住甘筍、青瓜同酸蘿蔔。素食自助餐嘅炸物嘅質素一向都唔錯，呢間都係一樣，尤其是炸茄子，外脆內軟，可以咬到一絲絲嘅茄子肉。腐皮卷外皮夠脆身，餡料多，咬落好滿足。糕點:薑汁糕、紅豆小米糕、南瓜糕、饅頭、馬豆糕 (好快比人夾哂，我第二輪出去夾野食時已經唔見有，店員亦都冇再添加)、馬拉糕 (呢款糕點我連係出面見都見唔到，淨係見到隔離枱食緊)、桂花糕薑汁糕嘅薑味好重。南瓜糕甜甜哋，口感煙韌。我見openrice 嘅評論都推薦呢兩款糕點。小菜:茄子豆腐、傳統羅
前菜:
酸醋雲耳、泡菜、粉皮 (可自己加麻醬)、酸白蘿蔔青瓜條、麻辣青瓜、酸青瓜紅蘿蔔絲、沙律菜、車厘茄、紅腰豆、鷹嘴豆、燈籠椒、荷蘭豆、粟米、菠蘿、西瓜、哈蜜瓜
小食:
壽司、炸茄子、炸蕃薯、春卷、咖哩角、芋頭魚、脆麻花、腐皮卷、椒鹽豆腐
壽司較普通，入面包住甘筍、青瓜同酸蘿蔔。素食自助餐嘅炸物嘅質素一向都唔錯，呢間都係一樣，尤其是炸茄子，外脆內軟，可以咬到一絲絲嘅茄子肉。腐皮卷外皮夠脆身，餡料多，咬落好滿足。
糕點:
薑汁糕、紅豆小米糕、南瓜糕、饅頭、馬豆糕 (好快比人夾哂，我第二輪出去夾野食時已經唔見有，店員亦都冇再添加)、馬拉糕 (呢款糕點我連係出面見都見唔到，淨係見到隔離枱食緊)、桂花糕
薑汁糕嘅薑味好重。南瓜糕甜甜哋，口感煙韌。我見openrice 嘅評論都推薦呢兩款糕點。
小菜:
茄子豆腐、傳統羅漢齋、素咕嚕肉、咖哩薯仔、雜菌炒翠玉瓜、炒椰菜花、麵豉炒豆角、上湯津白、鹵水豆腐、豆卜炒大豆芽、清炒油麥菜、清炒白菜仔、蒸茄子
素咕嚕肉同我之前係走肉·朋友食過嘅一模一樣，素咕嚕肉用油炸鬼做成，係我嘅至愛😍，所以見到呢到有得食都好開心☺️。我見咖哩薯仔比一大盆咖哩汁浸住，以為會好辣，但食落唔算太辣。清炒油麥菜味道清甜，最啱食得多油膩嘅食物之後用黎清一清嗰口，亦可以減少飽滯感。
主食:
炒飯、上海粗炒、炒麵、白飯、白粥
上海粗炒嘅烏冬口感煙韌，椰菜絲炒得夠淋身。炒飯、炒麵嘅鹹味適中。
湯羹/ 糖水:
木瓜甘筍湯、五寶素羹、紅豆沙
推薦五寶素羹👍，佢同大自然嘅素蛇羹味道一樣，只係冇咗素雞絲，配料有木耳絲、冬菇絲、百頁、竹筍絲，可自由添加醋黎調味。木瓜甘筍湯味道清甜，唔知點解我覺得間間素食自助餐嘅中湯嘅味道都差唔多😅。
飲品:
熱羅漢果茶、普洱茶、雪梨汁、烏梅汁
雪糕:
香芋雪糕
雪糕係放係凍櫃入面用膠盒裝住，自己潷落嗰碗到。初初冇留意到有雪糕食，以為嗰凍櫃係裝住店舖嘅食材，之後見有人潷先去拎。
當日只有一款雪糕供應，雪糕有好香濃嘅香芋味，推薦。
整體食物嘅質素唔錯，最有驚喜係素食自助餐會有雪糕食，素羹嘅味道相當唔錯。但添加新鮮食物嘅速度真係慢，或者應該話廚房煮得慢，我見有2個廚師久唔久會出黎睇有咩要添加，唔知點解我覺得係廚師懶得煮😅。而且大部分嘅食物都係冇標示食品名稱或標示錯誤😕，菜式嘅成分 (如蛋、奶、五辛) 更加冇標示，我只見到糕點嗰個牌寫住蛋奶。
張貼
