日常素食

呢間日常素食店屹立黃大仙都好長時間….雖然唔趕得上珍饈百味，但係都係一間有人情味嘅簡單素食….唔會有好精緻嘅素點…但係有食得飽的溫情🤗🤗早幾日才知道他們將會於6月16日結束營業了🥹🥹所以今天特來支持一下菜式雖然簡單..但係又分恰到好處平時我好鍾意食佢呢一個椰汁南瓜芋頭…撈飯一流👍🏻👍🏻仲有我最鍾意食呢個咖喱薯仔…每次都起碼食十幾塊佢哋仲有碗仔翅，糖水，中式靚湯添🤗🤗仲有豬腳薑我今日食咗兩大碟…好滿足…午餐限時75分鐘都係$96…查看更多

食齋菜，呢閒好抵，午餐時段96蚊一位，平日都好多公公婆婆去食，排曬長隊，種類比較多，一種食一兩個，食勻全部都已經夠曬飽了，炸物、清炒菜、甜品、飲品、糖水、湯。食完扶墻出黎，好滿足。…查看更多

自助餐分了三個時段, 晚市 $130 食120分鐘, 可以電話預訂留台食物選擇種類繁多前菜,飲品 ,湯, 熱盤, 炸物, 甜品都應有盡有而且會不斷添加新菜式前菜沙拉彷刺身連醬油wasabi飲品 熱有羅漢果茶 凍有雞骨草 有果汁湯都有兩款 仲有綠豆沙糖水熱盤有蔬果及大量煎炸香口炸物飯麵粥都齊 伊麵很出色糕點有多款 薑汁糕 紅豆糕 椰汁糕 桂花糕 而甜品有4款雪糕!…查看更多

真心我第一次食到咁「好食」嘅自助。。。 我好普通咁樣嚟咗呢度食嘢， 見到餐廳出面非常之靜，裏面得好少枱客， 見到佢個餐廳都已經有啲唔對路， 結果入到去真係如我所了。。。。。。首先講下啲唔好嘅嘢先，水果嘅款式好少， 根本嗰啲都冇咩人食，我夾咗一d 白菜仔，結果食落去係涼嘅，但我入坐嗰陣，係啱啱開始晚餐時段，但d餸已經涼曬。第二，佢嘅款式太少la，主菜唔夠多，而且味道好淡，但就清淡適合老人家同養生人士去食lo~至於好食嘅嘢係有.... 但係唔多lo……，茄子，素咕嚕肉同埋素叉燒都係我認為唔差既野食，佢都有啲煎炸食物都ok la 。。。跟住我要講下個環境， 點解我一開始會話 唔對路，因為個餐廳裏面嗰啲射燈全部都壞壞哋，但佢又唔修理，正常嘅餐廳嚟講係會啲燈一定會射落去間餐廳度咁先至吸引到客人嚟食ma。同埋我見到d 服務員態度一般般，有啲 hea hea地做嘢。最後想講下我入座嘅時候見到一隻烏蠅， 原本我都覺得佢冇乜嘢，咁食肆裏面有呢啲都好正常， 但係我見隻烏蠅不停去啲外露嘅食物，所以如果大家下次去食嘅話就小心啲啦！以上即係我嘅食評，大家謹慎去食啦！…查看更多

我比較耐冇食素菜，今日路過黃大仙中心北館的日常素食，時間接近1時半，已有人龍排隊。原來下午茶時段由2時開始，我也加入食下午茶。我點了一份下午茶$98(原來今日是初一，平日是$78），食物新鮮，選擇夠豐富，好味道。…查看更多

近來，我同太太的一班素食朋友聚會，總是喜歡去找一間大家都未去過的素食自助餐廳來一聚。這一次，我們選中了這一家位於黃山仙的《日常素食》。雖然，這同一般的素食自助餐廳應該沒什麼大分別。但勝在地方不在鬧市，不一定要等好耐位同有機會俾到大家過鐘，可以慢慢食，慢慢傾計。這餐廳位於黃大仙中心北館。好啱去完黃大仙廟參拜完後，過來吃一餐不殺生的素午餐。而且餐廳租用的是商場內的廣場空間。雖好似會被周圍行的人睇住我地食野，但就是因為這樣，令餐廳有一個好開揚的感覺，尤其是坐在邊旁的卡位，感覺是很舒服。再者，餐廳讓早到的客人先去找座位坐，不用在場外苦等，也是一個好窩心的服務。過了15分鐘，有店員過來向大家說準備好了。我們派代表先去收銀處付款，拿了小焉插在檯邊。大家就可以出動去搵食了。我拿著手機，先在取食物的地方巡視一番，由沙律部開始看。而這一個沙律部，可以妣美不少酒店的沙律吧，因為其選擇夠豐富，而且食物新鮮。沙律吧旁就有一個糕點雪櫃。椰汁紅豆糕同桂花糕，可以說是餐廳最熱門的甜點。幸好餐廳是不斷供應的，不然，當我們食飽野先去取這兩款甜品的時候，應該冇得食。熱食選擇也有不少。因為衛生關係，我不一一打開來拍照了。而且，亦不是每一樣都合我心意。就以我的目測，好多都是伴飯食的佳品。而我，就鐘情這兒的炒粉飯麵。不知為何，每一次我去到這些素食自助餐廳，我總是喜歡吃炒粉炒麵。另一排自助食品，就是很吸引大家的炸點。單是看，就已經知道這兒每一件東西都是香脆可口的。畢竟，這些真是不會自己動手在家裡製作的啊! 只能夠出黎係餐廳食。另外，還有一些可愛的蒸點。如饅頭同馬拉糕。對比起一些凍食的糕點甜品，我更喜歡這些熱的糕點，因為熱熱的糕，係多添了幾分香口感覺的。自助飲品的選擇就不多了。但全場最人氣，當然也是最好飲的，就是他們自製的凍羅漢果茶。香甜滋潤同夠晒凍。能去油脂及消暑。那天，太開心了。沒有把拿回桌上的食品一一附上照片。所以，只有兩張咁多多。在炸物小點中，我覺得不錯的有這一個蛋散。第一輪出現的可能放久了，未是太理想。第二輪拿到即炸起的，就絕對地酥香脆口，不錯。主食，我主要是食他們的上海粗炒。配上香脆的芽菜餡香卷，更香脆及辣味十足的咖喱角。再加上豆腐及不同的蔬菜來伴麵。整體上是滿意的。上海粗炒的豉香味十足，食落亦感到夠鑊氣，味道均勻。是水準之作。味道幾好，環境亦的確比起其他出晒名的幾間素食自助餐廳好。最重要係未必會搭正夠鐘就趕人走。慢慢食，開心同朋友聊天，這是一個很好的素友聚會地點。整體分數，是滿意之上。…查看更多

我哋嚟講下豆腐雪糕。呢款雪糕嘅口感非常滑嫩，就好似食緊豆腐咁，仲有一種淡淡嘅豆香。當你一啖咬落去，你會感覺到雪糕慢慢嘅溶化喺口中，帶出一種清新嘅味道。而且，豆腐雪糕嘅甜度適中，唔會太甜，令人覺得清爽。原味豆腐雪糕嘅口感好滑，豆香濃郁，甜度適中。我覺得豆腐嘅香氣同雪糕嘅奶香混合得好好，好有層次感。素刺身我相信係一種用蔬菜製成嘅刺身，完全無使用任何海鮮。雖然佢無海鮮嘅味道，但係佢嘅口感同海鮮刺身非常相似，而且更加健康。素刺身通常會配以醬油同山葵，令味道更加豐富。…查看更多

今日同家人嚟呢間食素，未入場前見到環境好大陸裝修，本來完全不抱任何期望，估唔到食物大部分都好味。買咗open rice coupon 晚餐每人99蚊，用app買信用卡俾錢，但到餐廳後每人要俾多16蚊，每人盛惠115蚊。open rice買優惠券後，要打電話去訂枱，阿姐話限時食2個鐘，但6點開場最多款最多嘢食，到8點就已經無乜食物出，於是我哋決定6點正就入場。炒菜＆蒸糕：幾好味，食物好夠熱，最值得食係咕嚕肉，淮山炒萵笋，蒸鬆糕，有白色同紫色，但其實係同一隻味，類似米糕咁，幾煙靭。之後有隻黃色薑黃糕無試，好似都不錯。酸齋：一般，齋叉燒好味炸物：一般飲品：熱普洱茶、熱羅漢果水、雞骨草、水、橙汁湯羹＆糖水：冬瓜湯、五香素羹(類似碗仔翅)、紅豆沙、薑醋蛋沙律：有少少生果，仲有啲醃青瓜酸菜刺身類：蒟蒻製既刺身，有色素唔太好味五穀：白飯、白粥雪糕：有2款，雲呢拿、豆腐，但味道好人工，每款淺嚐一口後果斷放棄總結：大部分食物都好味，但晚餐要準時入場先食到多款，下午茶平啲，如果有呢啲食既話可能仲抵服務：食完要自己收餐具，自助服務…查看更多

買左劵7-9，我地未夠7點入嚟食見出左轉野都可以，點知食完頭一轉，再出去夾野而家咩都冇雪糕冇，湯冇，其他就見哂底，問啲侍應，佢答我今朝仲有，湯就清哂，入泥食左半個鐘都冇就冇，野食款又少，唔會再幫襯…查看更多

喺香港其實好難搵到難食嘅食店。但係我咁「好彩」食到呢間。由於少去黃大仙，所以有少少困難搵間店舖。佢其實係商場裏面。但唔係一間酒樓嘅款式。只係喺空曠地方擺咗好多張枱。環境有啲污糟，啲店舖職員係咁意抹張枱。一睇已經唔想食，不過約咗一班人一齊嚟，冇理由走㗎。食物味道難以形容，總之好難食。食物比較淡口，要加盬先可以食。調味料又欠奉。種類雖然多，但係都係果幾樣嘢炒埋一碟。非常失望。炸物好多，好食過啲炒餸。所謂壽司，得一碟咁大把。而且又唔新鮮，好似喺冰格裏便攞出嚟就即刻擺上台。…查看更多

從未試過素食放題，無意中發現支付寶有這間素食放題券特價，即管買3張試下~~當日晚上6點零左右到達，唔駛等位，食到咁上下，姐姐侍應先至過嚟咇我嗰幾張券同埋即場俾埋每位$16蚊既加一。。。我個4歲既侄，唔駛俾錢，免費，但佢乜都唔係幾食，睇嚟$5蚊都食唔到....放題範圍不大：當日熱盤大約有12款，款式係一般食齋都會出現既款式~~（ 例如： 菜、菜同埋菜、豆角、豉椒蓮藕、炒飯併粗麵、咕嚕味既麵筋、菇嗰 d 咁。。。）比較有印象既係，嗰味辣辣地既椰菜炒像真度好高既豬腩肉（其實係蒟蒻~~），其他我無乜印象，一般般。。。。蒸糕約4款（ 像虎紋的糕、薑汁紅棗糕（ 有薑汁味彈牙既~）、另外有兩款食唔出係乜嘢既糕但係都彈牙好食既~~（ 一款紫色，一款米白色既。）個人覺得這店的炸物做得比較好，炸蕃薯外脆內軟，炸茄子都係，但油膩嘢食唔得太多。。。。之前睇食評見有人話豆腐雪糕無貨，今次返足貨，重有雲里拿味㨂，但“ 不”雪糕嗰支嘢好難用，我為食幾球雪糕，“ 𢳂”到隻手指好痛...... 。。。個細細既雪櫃有兩款凍糕： 杞子桂花糕，椰汁紅豆糕（ 不太甜，少少彈牙質感都ok既）（ 椰汁糕有椰汁味~）有沙律吧：（幾種醬汁可選）紅腰豆、粟米、鷹嘴豆、（迷你蕃茄：酸）、菜、沙律、（羅馬生菜：新鮮度一般般） etc...飲品方面： 自己斟既一枝枝果汁先生蘋果汁、橙汁、很淡的酸梅汁，（我淨係飲普洱茶，其他都無乜點試飲....)總結： 老實，其實.... 我覺得我應該食唔到$99+$16=( $115蚊)依個價錢既嘢。。。:(....…查看更多

首先，買咗券，諗住打去約，打咗一日冇人聽😓😓😓😓第二日仲衰，全日電話吾通😤😤😤😤好彩屋企人咁岩去個頭返工，就叫去行去問下順便訂位，點知去到訂位，剩係問幾多位？姓乜？我哋話留電話，佢哋話吾需要，聽到已經O咀🫢🫢🫢🫢心諗，今餐應該都瀨瀨地嘢🫣🫣🫣🫣到今日去食，要加收服務費，吾緊要，可能我冇留意，訂餐叫2小時，收費後出單寫90分鐘，佢話照食2小時，咁我由佢啦，坐低後去拎嘢食omg......😱😱😱😱😱😱我點解見啲人影相食評又靚又好味咁款，但我去到完全吾係個回事？😨😨😨😨菜冇乜又吾加，一味出勁多煎炸油膩嘢，凍糕得個dd，連西瓜冇咗都吾加返，個陣先7點幾，蘋果汁話佢知冇哂，成個工具話拎走去加返，點知我哋走人都吾見拎返出嚟，雪糕？連影都冇，完全差到我冇興趣影相😖😖😖😖😖😖屋企人話，只可以食一次，千其咪再嚟，未食過咁差嘅素食店😵‍💫😵‍💫😵‍💫😵‍💫😵‍💫😵‍💫…查看更多

垃圾公司，我進来就餐，一開始我付了自助餐的錢了，臨走前就說我沒付，我當時趕時間辦事，就沒有看監控去查證，門口那個女樓面一直對我喋喋不休，我已經給錢解決事情了她還要惡聲惡氣譴責我！女樓面真是一個惡人！食物方面味精太多，非常油膩。這種店永遠不會再幫襯，希望早日關門大吉！！！！！！！？？！！！！！！！！！！！！！！！！！！！！！！！！！！！！！！!！！！！！！！！！！！！！！！！！！！！！！！！！！！…查看更多

本想今天試食下午茶，見到兩點鐘開始咁咪諗住排隊啦！當時係1:55開始排隊！我見前面一大班公公婆婆都正在排隊，我咪跟後面排啦！點知企咗10分鐘都仲未見安排入場，我就即時轉身走！當時已經係2:05！真的最不喜歡唔守時嘅場…查看更多

週末跟家人來到黃大仙嗇色園拜拜之後順便過來吃個素食自助餐😄價錢非常親民 午市可以吃75分鐘 成人$96 長者/小童$82 仲免收加一服務費👍🏻性價比幾高 吃到差不多下午茶時間外面有好多人排隊 原來下午茶價錢更抵食！✨沙律前菜🍣壽司賣相好逼真幾有心思 魚生是蒟蒻造的 前菜的手拍青瓜夠入味少少辣 醃蘿蔔酸酸甜甜好開胃✨蒸點有蒸包類有饅頭 糕點有白糖糕 紫薯糕同紅棗薑汁糕 甜的都不錯 薑汁味夠辣 要趁熱食♨️✨炸物炸物都幾多選擇 芋頭魚賣相不錯 但略嫌沒有什麼味道🐟鮮竹卷幾有驚喜👍🏻xo醬蘿蔔糕炒得好惹味 表皮好焦脆😍✨主食熱葷主食類有炒飯炒麵 一定夠飽肚😆推薦薑醋蛋🥚少了平日豬腳薑的油膩感都不錯🥔咖喱薯仔味道不錯夠惹味 加埋落菜一齊好好食👍🏻齋鹵味都不錯 喜歡甜酸齋🥬🥦炒齋菜都不會整得太油膩 更加上用蒟蒻整成的五花肉😆有誠意✨甜品純素的豆腐雪糕很有驚喜 不會太甜質地好綿滑一定要試🍦幾款凍糕點放在小雪櫃 杞子桂花糕跟椰汁糕甜度都剛好☺️不會甜膩 水果方面也有哈密瓜和西瓜選擇✨飲品飲品選擇不多 有飲品機提供凍烏梅汁同蜂蜜雪梨汁 烏梅汁酸酸甜甜都吾錯 也有熱湯羹選擇但味道比較淡📍日常素食 (黃大仙)黃大仙龍翔道136號黃大仙中心北館2樓N201-N202及N226A號舖…查看更多