影片
更多
2017-11-19
589 瀏覽
雞翼配黑松露醬 $58黑松露係我幾鍾意既一種醬料 配薯條見得多 雞翼配好似第一次試雞翼都幾大隻 炸得幾香脆 咬落要注意因為好熱辣辣 五隻雞翼食完剛好清左碟黑松露醬 黑松露醬我諗都唔使多介紹 喜愛之人都知道佢無得輸 雞翼點左醬就更加易入口 配合效果都ok 係隻雞翼大得劑塞唔落成隻落兜醬咁 另外仲有跟啲沙律菜 緊係掃埋佢落肚青蘋果梳打 $38 巨峰梳打 $38兩杯類似既產品 店員有提示撈勻黎飲 圖中所示係撈勻前涇渭分明既上下兩層 影相效果好似靚啲質素方面都收貨 其實呢類梳打飲品只要唔好太淡就好了 呢兩杯見冰唔少不過味道又夠 青蘋果同巨峰味都算出 我諗係有落重料鴨脾配金磗法式多士 $148因為我係tea time去所以無食太飽 唯一叫share食既主菜就係呢份是日既Chef's Recommendation隻蛋幾搶眼 話說我一時唔知點處理就抽開佢出黎食 好食係好食 後來大廚兼老闆先出黎介紹返原來蛋係日本蛋 同鴨脾甚至多士混著食點埋蜜糖效果更好 咁大家就唔好跟我既錯誤示範喇講下隻脾 因為我係share食所以落左幾刀切開佢 落刀幾輕鬆感覺到鴨肉唔會韌 食鴨肉最忌啲肉實到要好用力嘶咬牙肉都會軟埋
黑松露係我幾鍾意既一種醬料 配薯條見得多 雞翼配好似第一次試
雞翼都幾大隻 炸得幾香脆 咬落要注意因為好熱辣辣 五隻雞翼食完剛好清左碟黑松露醬 黑松露醬我諗都唔使多介紹 喜愛之人都知道佢無得輸 雞翼點左醬就更加易入口 配合效果都ok 係隻雞翼大得劑塞唔落成隻落兜醬咁 另外仲有跟啲沙律菜 緊係掃埋佢落肚
青蘋果梳打 $38 巨峰梳打 $38
兩杯類似既產品 店員有提示撈勻黎飲 圖中所示係撈勻前涇渭分明既上下兩層 影相效果好似靚啲
質素方面都收貨 其實呢類梳打飲品只要唔好太淡就好了 呢兩杯見冰唔少不過味道又夠 青蘋果同巨峰味都算出 我諗係有落重料
鴨脾配金磗法式多士 $148
因為我係tea time去所以無食太飽 唯一叫share食既主菜就係呢份是日既Chef's Recommendation
隻蛋幾搶眼 話說我一時唔知點處理就抽開佢出黎食 好食係好食 後來大廚兼老闆先出黎介紹返原來蛋係日本蛋 同鴨脾甚至多士混著食點埋蜜糖效果更好 咁大家就唔好跟我既錯誤示範喇
講下隻脾 因為我係share食所以落左幾刀切開佢 落刀幾輕鬆感覺到鴨肉唔會韌 食鴨肉最忌啲肉實到要好用力嘶咬牙肉都會軟埋 食落係有鴨味 我指鴨味幾濃下 愛鴨肉之人可以試下 多士唔算大塊 一定要和著蜜糖食先滋味 另外伴碟啲沙律菜同車厘茄當然我都清哂佢
成道菜感覺都幾western既整法 同大廚傾多兩句先知原來佢係大坑布丁出身 出黎開將不過月餘 而佢既partner係佢舊時識左不過三個月既一個客 可謂緣份之奇 希望下次有機會出黎新蒲崗可以試埋佢另一份main course蟶子意粉 好似幾好評咁
64%朱古力心太軟配雲呢拿雪糕 $78
其實我都幾鍾意心太軟 雖然友人對是類產品一般 可能因為佢個心腸一啲都唔軟 xP
係唔係64%就緊係試唔出 不過數字大概反映出朱古力既"苦"度 純朱古力我係麻麻 呢個度數岩我
上枱我係聞到朱古力香 但其實果日我係病病地加少少鼻塞 睇黎一係佢堅香一係就我幻覺 大家有緣幫我證實下
相機食完就落刀 切左一下佢就朱古力流不止 爆漿moment拍左段短片 食心太軟就係有埋呢種視覺效果like都易呃啲
心太軟外殼連朱古力熔醬食落肚暖笠笠又實在 配有一球雲呢拿雪糕 伴碟仲有orea餅乾同少許好似係爆珠 幾搶鏡果朵花好似話係威化紙黎可食用 成個甜品質素我覺得合乎水準
意大利蛋提拉米蘇配雲呢拿雪糕 $98
據大廚講呢份甜品係自己新創 睇賣相係幾唔錯 味道方面係好濃既tiramisu味 tiramisu粉絲可以試下 食到最底個蛋糕明顯見到沾有濃濃咖啡香味既手指餅 確實係好特別
由大坑黎到新蒲崗 老闆話一啲舊食客都會自駕黎捧場 加上新蒲崗可能都差咁啲呢類target中價位既西餐廳 雖然就差個地鐵站方便食客前往 不過學佢話齋有地鐵就唔係呢個租價 睇黎又係小店經營之難 我諗唯有靠質素留客方有長做興旺之理
張貼
