影片
更多
2018-10-01
5106 瀏覽
今日陪朋友喺尖沙咀行韓國街買食材，行行吓就諗起好耐冇食過韓燒，以為呢位韓國通朋友喺呢條街揀間韓風韓燒店啦，點知佢推介隔籬金巴利道嘅高麗軒。佢話高麗軒好耐歷史，喺佢大學時代已經經常光顧，當時係散點。而家轉左任食，啱晒我哋兩位餓底食肉獸。餐廳喺金巴利道，附近好多婚紗店嗰頭。雖然門面唔大，但都唔難搵。餐廳唔算大，行樓梯落去見到有人等位，滿晒座，好熱鬧。放題用餐時間，1-3人有1.5小時，4人或以上有2小時，晚巿時段$228/位。同一般韓燒自助餐要出去拎嘅唔同，呢度係寫低冧巴喺紙仔俾侍應落單，而唔係出去拎嘢食。肉類、海鮮選擇都幾多。韓燒自助餐會有甜點、糕點、壽司，呢度就冇，但取而代之嘅係CP值更高嘅即叫即整一品料理、湯、石頭鍋飯任叫。我哋加咗每位$38，可叫埋【特別推介】餐牌嘅食材。飲品就要出去拎～湯類嚟講韓燒自助餐一般都係出去自助餐區攞，呢度就真係一鍋鍋上，熱辣辣，加倍好味。【牛肋骨湯】味道適中，香濃牛滑味，牛肋肉唔算多但軟腍好味。【人蔘雞湯】上枱嗰陣仲沸騰狀態，人蔘味足，反而雞味就爭少少，但放題嚟講質量已經好好。我哋戰鬥力有限，石鍋飯就食唔到，不過都試咗兩款一品料理。【燒銀鱈魚】我哋攤得耐
餐廳喺金巴利道，附近好多婚紗店嗰頭。雖然門面唔大，但都唔難搵。餐廳唔算大，行樓梯落去見到有人等位，滿晒座，好熱鬧。
放題用餐時間，1-3人有1.5小時，4人或以上有2小時，晚巿時段$228/位。同一般韓燒自助餐要出去拎嘅唔同，呢度係寫低冧巴喺紙仔俾侍應落單，而唔係出去拎嘢食。肉類、海鮮選擇都幾多。韓燒自助餐會有甜點、糕點、壽司，呢度就冇，但取而代之嘅係CP值更高嘅即叫即整一品料理、湯、石頭鍋飯任叫。我哋加咗每位$38，可叫埋【特別推介】餐牌嘅食材。
飲品就要出去拎～
湯類嚟講韓燒自助餐一般都係出去自助餐區攞，呢度就真係一鍋鍋上，熱辣辣，加倍好味。
【牛肋骨湯】味道適中，香濃牛滑味，牛肋肉唔算多但軟腍好味。
【人蔘雞湯】上枱嗰陣仲沸騰狀態，人蔘味足，反而雞味就爭少少，但放題嚟講質量已經好好。
我哋戰鬥力有限，石鍋飯就食唔到，不過都試咗兩款一品料理。【燒銀鱈魚】我哋攤得耐咗，唔夠熱，但魚質滑滑，微微燒過更香。
【蛋包蝦】蛋漿炸出嚟嘅蝦，蝦肉都算爽，加上香濃蛋味，正! Encore咗。
以下係特別推介餐牌食材：
【花甲】燒完都Q彈水潤，好鮮甜，但亦好多沙。
【特級牛頸肉】牛頸肉油脂都好豐富，肉質嫩滑。
【帆立貝】幾大粒，燒嗰陣記住兩面都要燒吓。
【海虎蝦】都算大隻，蝦味濃郁。
【帶子】細粒咗啲，但味鮮。
【熊本霜降和牛】一見啲油脂紋分佈得咁均勻已經知係靚嘢，擺上去燒咗陣，啲油脂肉汁就湧出嚟。油香肉香混和，超好食。
【黑毛豬腩】豬肉燒出嚟好香口，少少脆皮。
【魚柳】嫩滑魚柳。
【多春魚】多春魚要好留心，經常反轉，否則好易黐網。
個爐係金屬網嚟，唔怕食到鑊撈，食物出嚟都擺放整齊，抽風系統運作良好，食完都冇油煙味。返到屋企推介俾阿媽，原來阿媽話同佢啲雀友食過N次，仲話我發現新大陸咁，估唔到阿媽都咁識食。
張貼
