薩莉亞意式餐廳 (奧柏‧御峯) (已結業)

經過大角咀一陣都會去食薩莉亞，貪佢夠平又可以叫多幾樣食下。之前都嚟過呢間分店幾次，覺得幾舒服，所以先會再嚟。其實去薩莉亞都預咗食物質素唔會好高，都係貪佢性價比，但係有對比有傷害，今次體驗真係麻麻地。叫咗粟米湯，呢個都正常嘅。西蘭花都OK，顏色都綠嘅。另外兩個意粉同雞翼就唔得喇。貪新鮮試吓新出嘅溫泉蛋肉醬意粉，完全同張相好大出入，我嗰碟見到紅色嘅部份真係好少😅食落去就係煮熟的意粉（差唔多係未調味前）嘅味道。呢個黑松露意粉，仲經典😅雖然我未食過車呔，但係感覺佢有車呔嘅味⋯⋯至於個雞翼，望落去好似好正呢，真係幾脆口㗎，點知有啲地方燶到苦⋯⋯⋯⋯對面枱個細路，係咁拍枱⋯非常滋擾⋯唔掂 要close rice。