極尚大瀛喜日本料理

好耐冇食過,見到依家有埋啤酒任飲幾吸引,就同個朋友訂咗枱試下午市放題,午市放題食到三點,我同朋友準時1點入座,被安排同兩個唔識嘅人一齊搭枱😑如果係爆場嘅話我會體諒嘅,但係四週仲有好多吉枱,同埋之後嚟到嘅人都可以兩個人一張枱,我完全唔明我訂枱嘅意義喺邊度😒之前已經睇人講過話呢度嘅人服務態度好差,心唸之前嚟過都係正常嘅,可能真係冇來一排所以差咗啦

食物質素就正常發揮啦,係初頭食三文魚刺身嘅時候有少少魚鱗要小心啲,同埋刺身同埋天婦羅需要等比較長嘅時間,建議嚟到就點咗先

$300