三家村水產 (已結業)

朋友介紹鋰魚門開咗間日式水產店, 於是專登走去一試。去到食完卻大失所望。食物質素非常之一般, 價錢卻十分昂貴。壽司賣相及味道一般, 個別海產有腥味。熟食如串燒、揚物竟然可以做得差過放題式餐廳。收得人咁嘅價錢, 誠意卻欠奉, 又無任何甜品送。山長水遠走去食, 先發現性價比係極之低。簡直係中伏之最, 令人極之失望。餐廳唯一賣點係有海景睇, 氣氛較普通餐廳好。整體感覺係一般質素嘅港式日本料理, 唔似係日本人主理嗰種日式料理。