129
1
2
電話號碼
26608798
營業時間
今日營業
17:30 - 23:30
星期一至五
17:30 - 23:30
星期六至日
14:00 - 23:30
公眾假期
14:00 - 23:30
付款方式
Visa Master 現金
座位數目
100
其他資料
Wi-Fi
酒精飲品
泊車
電話訂座
外賣服務
加一服務費
食評 (141)
等級4 2018-07-22
2886 瀏覽
幾年沒有試過在香港慶祝生日,今年因為前後日子都有trip的關係,最後選擇留港。 本身女友安排了兩間好想去的餐廳,一個是人氣的paper moon,一個好似話係米芝蓮餐廳,但最後,我話不如簡單食少少野算,畢竟,人大了,生日冇乜值得大事慶祝,人生,身體健康,身邊人安好就好了。 最後,我選擇了一間想去了很久的餐廳,朋友C和G兩公婆今年也在這裡慶祝生日,評價不錯,而是就順理成章學佢地來食個簡單晚飯。 唯一不方便地點在鯉魚門,不過揸車和的士是滿方便的,交通也還算不錯。 今晚來到近來鯉魚門近來大熱的三家村水產。 餐廳的酒家就是多了一份寧靜,也多一份格調,走的路線像日本的磯丸水產,和本身鯉魚門的風格好唔同,因此多了份特別。 如果你喜歡貓,隔離碼頭還有兩隻可愛的貓咪係據點欣賞。 餐單有多種不同的食物,最喜歡佢有海鮮任你選,大到不行的龍蝦同好多不同種類的貝類食物。 先來的蟹肉伴蟹子沙律,勁大份的沙律非常慷慨,蟹肉蟹子同樣咁多,沙律菜一比一,已經係一碟海鮮咁樣。 季節刺身特上選拼盤有爐魚,油甘魚,金槍魚,三文魚和左口魚,仲有帶子,質素新鮮絕佳,特別喜歡較少見的爐魚,配上那獨有蔥花豉油,不錯,價錢也是不太貴,不會像鯉魚門嚇死人的價錢。 海膽牡蠣一夜干係另類之選,朋友推薦話好好食之選,可能期望太大,海膽的鮮味係好強,但問題係以乾貨的牡蠣,個人覺得普通。 三家村海鮮粥我覺得係最吸引係裡面的海鮮,全部都吃得出鯉魚門海鮮的鮮味,蝦雖不大隻,但蝦頭都可爆膏,粥底如果可以做得像生記般好,那應該會更完美。 加上蔥花香,那個海鮮粥也有點睛之效。 冷稻庭烏冬,相對而言,最冇乜特別,烏冬不算出色,如果下次你叫,可能吃炒物會更試到這裡鑊氣。 馬友一夜干係呢度名物,如果我說好食過台灣的吳留手又太誇張,不過係香港吃這類鹹魚,不太多地方有高質素,魚皮煎得勁香,肉質彈性質感佳,又不會太鹹,但那股鹹香叫人迷上。 這裡有個水產部,非常吸引,有多種不同的海鮮,我看到有隻像貓咁大隻的龍蝦,而且還有很多種不同的貝類,我試了兩種,馬刀貝和貴妃蚌都是考驗實力之作,兩種都燒得不錯,特別係馬刀貝用上木魚水,令其鮮味更無窮,可惜人不多,不能試更多的海鮮。 吃了大部分種類的菜式,也算是不錯的質素和經驗,而且就像放了半天假,去了個小旅行,在舒適的餐廳,看著海景和漂亮的船來來往往,這個生日,簡單得來也過得不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-13
1988 瀏覽
一頓豐盛的晚餐是使人十分幸福、快樂的事情。在燈光璀璨的夜景陪伴下,食物顯得份外的美味。我們的餐前小食是日式糖心蛋。糖心蛋是我十分喜歡的小食,濃郁的蛋黃香氣是十分誘人的味道。接著是刺身拼盤,八種刺身分別是深海池魚、拖羅、海膽、帶子、左口魚、鮑魚、油甘魚及牡丹蝦。刺身都是十分鮮美的。在它們當中我最喜歡的是海膽,海膽鮮甜、質感細膩,配上海苔,是魔鬼般的滋味,使人吃再多也不會膩!在侍應的介紹下,我品嚐了一些伴碟用的雞冠藻,它雖然沒有味道,但口感佷爽脆,是十分有趣的食材。這份香脆的蝦頭是刺身中牡丹蝦的一部分。平日蝦頭都是扔掉的,十分浪費;把它炸至香脆,加上蝦本身的鮮甜可口,簡簡單單的,但已是一道美食!品嚐完刺身,便來到熟食的時間。我們的熟食分別有南非龍蝦、馬友一夜干及福岡岩蠔。新鮮的龍蝦肉充滿彈性。店員烹調時沒有加上太多的調味,畢竟食材本身的鮮美便是最佳調味料。馬友一夜干是不能錯過的!鹹鮮的味道有別於新鮮魚類的鮮甜,而且肉質亦會較新鮮魚類更有彈性。這裡的馬友一夜干鹹度適中,它沒有死硬硬的鹹味。但經過醃制,馬友顯得份外的美味!至於福岡岩蠔,它十分可口!蠔肉肉厚、香甜,帶點海水味,真的十分美味!最後是甜品時間,甜品分別是日本菠蘿雪葩及和菓子拼芝士餅。雖然兩者都非常好吃,但我覺得和菓子拼芝士餅更值得品嚐!來自沖繩的和菓子較一般和菓子味淡,但這種甜度更配合我的口味。外層口感QQ的,裡頭的豆沙餡細滑香甜,是使人難忘的味道!這頓晚餐是可口的食物、貼心的服務及優美的環境 三者完美的結合! 繼續閱讀
(以上食評乃用戶個人意見 , 並不代表OpenRice之觀點。)
通常聽到朋友說到三家村吃海鮮都會即時聯想到中式酒樓吃,大家又會否想到日式海鮮做法呢?三家村水產位於三家村渡輪碼頭,當日老公帶蝴蝶結姐姐到東龍島環島遠足後說有驚喜,原來就是來這裡享受一安頓豐富的日本海鮮晚餐!先來一客日本菠菜芝麻汁沙律,芝麻汁很濃很香是全碟沙律的精髓,老公不停的將鮮嫩的日本菠菜及飄飄的木魚乾沾上芝麻汁吃。前菜姐點了炸白飯魚乾,除了保留魚乾的味道外,微暖而且有點像天婦羅般甜甜脆脆的。沾上沙律醬再將味道再推高,是佐酒的好伙伴。至於季節刺身拼盤包括帆立貝、油甘魚、三文魚及甜蝦。冰鎮除確保溫度外更有非常好的賣相。當中蝴蝶結姐姐最喜愛的是帆立貝,新鮮及肥美。至於吃日本菜當然要吃壽司啦!四點壽司包括金倉魚腩、拖羅、油甘魚及加拿大海膽軍艦。煙肉車厘茄串,一鹹一甜的完美配搭。甜甜的車厘茄消除了煙肉的油膩。雞軟骨雞肉串這個雙重配搭、雞胸肉咬下質感又有雞軟骨的爽脆口感。江戶前天婦羅拼盤,外面炸得香脆,天婦羅蝦肉還很嫩滑。點上竹碳鹽更能提升味道的層次。浜燒貴妃蚌好大隻而且口感很爽脆,即席燒亦很新鮮。燒福岡系島蠔肉質鮮美,很大隻。而且蠔味很濃。望着海景,親眼看着燒蠔的感覺有如海邊的浜燒。清酒紅甲,鮮甜無沙。湯底好好味。三家村海鮮粥的粥底軟綿綿,味道清甜。而且蝦亦好大隻,肉質鮮甜。店內裝潢充滿日式風情,望着海景。無論夜晚及日間,都別有一番風味。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-05
1255 瀏覽
老公話今年就進入我們20週年啦! 佢話帶我食餐好野獎勵我,同接我放工咁開心,路上無多問,但朝著鯉魚門方向進發,心裡特別開心興奮。我最喜愛海鮮,第一次去這店感覺幾新鮮,最吸睛係有個corner係放滿海鮮架 ❣店員服務好,會推介是日食材,還會幫我地煮同時有交流,讓客人好relax 除享受食物之餘。燒味醂河豚干好好味,醮點七味粉嘅蛋黃醬最夾,香脆帶點甜。日本菠菜芝麻汁沙律賣相靚又特別,菠菜凍食一般,但其他沙律菜新鮮爽口! 佢地嘅特飲好吸引,味道竟然好出色。冰爽青檸荔枝谷荔枝味較重同濃,反而青檸淡淡的,夏日消暑解喝! 魅力香桃提子泉有齊我喜愛的桃同提子味道,而且發現了提子味的珍珠添,可惜較硬唔夠煙韌囉! 季節刺身特上選拼盤 (6種)賣相吸引,味道新鮮,包括左三文魚腩,劍魚腩,立魚,左口魚,帶子同吞拿魚腩等等,左口魚入口即溶,帶子鮮甜,鮮味可加! 一夜干 (馬友)送上時已經好特別用上竹籃嘅造型碟,原來店員介紹係佢地嘅招牌菜,我兩公婆有喜愛魚類就叫黎食,外皮燒得乾身脆,肉嫩無比,味道帶點鹹香同鮮! 再黎浜燒貴妃花蚌同日本福崗岩蠔各兩隻細心位店員會係我們面前燒比我們的,火候控制得好好,好新鮮當煮時還會好生猛地郁動,有點殘忍咁,不過海鮮就係要食佢既鮮味! 蠔亦非常肥美,加上自製木魚汁,當燒前加點令海鮮保持濕度同入味還做到提鮮! 最後叫埋個雜錦雞天婦羅烏冬來個結尾,天婦羅熱辣辣金黃香脆,大虾天婦羅還有蕃薯南瓜同青辣椒,烏冬彈牙煙韌!份量兩個share都夠食,湯底清但夠晒味。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-02
694 瀏覽
今晚男朋友帶我去鯉魚門食海鮮以為係酒樓買入去煮,估唔到原來係去日本餐廳,餐廳好有日本風味木枱木椅好適合食浜燒, 而且望住個海景對面就係香港島,味覺視覺都一級享受餐牌上面有好多唔同嘅選擇好多都非常有自家特色,喺出面都冇見過,不過最緊要係又新鮮又好味葡萄麥茶 $48就咁望落好似冇咩特色,但係一飲落....因為麥茶帶有好香嘅白葡萄味,淡淡嘅香味滲出嚟, 如果覺得唔夠味,有一小杯蜜糖可以加落去抹茶紅豆東瀛旋風 $48好濃沃嘅抹茶味,而且非常大杯紅豆起沙嫁日本豆腐伴金槍魚腩蓉 $98 呢個頭盤絕對絕對值得一試, 好似好普通嘅一道菜但係又有特色, 食材之間嘅味道配合得啱啱好 底層係用咗日本嘅千層豆腐,上面係金槍魚腩蓉&柚子胡椒蓉,略帶少少酸辣味,加在豆腐上面非常合適,但係唔會蓋過金槍魚嘅鮮味&豆腐嘅豆香味特上精選刺身拼盤 $388好靚好豐富嘅刺身拼盤 每一款都係當造,而且非常新鮮,厚切既刺身脂肪比例啱啱好,做到入口即溶浜燒 岩手縣岩蠔* 鮑魚* 貴妃蚌餐廳有好多唔同嘅海鮮提供,一入門口就已經有個大水缸裏面好多唔同嘅海鮮,職員會為你介紹 當日當造嘅海鮮 因為太多唔同嘅嘢食所以今晚我哋就揀咗三款試下,等下次多啲人一齊就可以叫多啲好新鮮嘅鮑魚&貴妃蚌,燒嘅時候三樣都從郁緊 職員會喺你面前燒,控制時間啱啱好,每一款都係啱啱熟非常新鮮非常多汁呢一款好唔算肥美,但勝在蠔味夠濃,超級鮮甜安格斯牛柳粒 $258牛肉粒嫩滑 牛味濃郁,不過最特色嘅都係 伴碟 喺碟邊放咗日本嘅蒜片,一片片好香脆好似薯片咁,另一邊放咗芥末籽,呢兩樣嘢估唔到同牛肉係咁match 連埋牛肉粒一齊食超級好味,除咗佢哋本身的香味之外,仲帶出更加香既牛肉味三家村海鮮炒麵 $158 必食!! 唔好睇上面咁多海鮮冇咩特別,上面嘅海鮮又多又新鮮,但係最重點係下面嘅炒麵 每一條麵都吸收咗醬汁嘅味道,食第一啖就停唔到一定要繼續食, 麵條又有咬口,無得輸日本柚子雪葩 $68食咗上面咁多嘢已經飽到行唔郁 最後整多個酸酸地嘅柚子雪葩就啱啱好喇, 真係有個有仔㗎而且雪葩味道夠曬濃正呀 繼續閱讀
(以上食評乃用戶個人意見 , 並不代表OpenRice之觀點。)