影片
更多
2020-04-16
481 瀏覽
第一次食飯係失望到要寫上or俾其他人知呢間野有幾差。我生日男朋友book左呢間黎食，原本滿心期待，點知係一間好差既快餐店咁。嗌左兩個set dinner，兩杯酒，半打蠔。蠔既味道ok，但細隻薄身。頭盤帶子煎得幾好，外脆內軟，松露片無味湯無蕃茄湯，味道好似罐頭湯咁，無層次。主菜有兩個dishes:西冷牛扒又鞋又乾，比大家樂好少少咁，咬完係有渣⋯鱈魚味道極之普通，同就咁係屋企煎一樣。真係好失望，原本佢$788一個，做緊推廣買一送一，就算半價左就極之唔值！再講講就係服務生質素，見你唔係富貴look就睇你唔起咁，嗌嘢食果陣又serve左另一枱身穿Gucci客先，叫我地等等，但轉個頭就無左件事，等左幾分鐘佢行黎行去先知唔記得/定唔知唔想理我地咁，我地要再搵其他人落單先得，叫佢影相人地就打哂閃光燈，我地就求其影，成張相黑蚊蚊⋯仲有就係我地坐露天位，個服務生成抽鎖匙扣係條褲到，行到勁嘈勁急，唔講我以為去左大排檔食飯。影響哂成個環境！見份menu有set dinner有buy 1 get 1 free，問下係咪真。點知個服務生好串咁答：咪就係get 1 free囉⋯我心諗你咁既質素，點係呢間餐廳到做？
我生日男朋友book左呢間黎食，原本滿心期待，點知係一間好差既快餐店咁。
嗌左兩個set dinner，兩杯酒，半打蠔。
蠔既味道ok，但細隻薄身。
頭盤帶子煎得幾好，外脆內軟，松露片無味
湯無蕃茄湯，味道好似罐頭湯咁，無層次。
主菜有兩個dishes:
西冷牛扒又鞋又乾，比大家樂好少少咁，咬完係有渣⋯
鱈魚味道極之普通，同就咁係屋企煎一樣。
真係好失望，原本佢$788一個，做緊推廣買一送一，就算半價左就極之唔值！
再講講就係服務生質素，見你唔係富貴look就睇你唔起咁，嗌嘢食果陣又serve左另一枱身穿Gucci客先，叫我地等等，但轉個頭就無左件事，等左幾分鐘佢行黎行去先知唔記得/定唔知唔想理我地咁，我地要再搵其他人落單先得，叫佢影相人地就打哂閃光燈，我地就求其影，成張相黑蚊蚊⋯
仲有就係我地坐露天位，個服務生成抽鎖匙扣係條褲到，行到勁嘈勁急，唔講我以為去左大排檔食飯。影響哂成個環境！
見份menu有set dinner有buy 1 get 1 free，問下係咪真。點知個服務生好串咁答：咪就係get 1 free囉⋯我心諗你咁既質素，點係呢間餐廳到做？！如果餐廳老闆見到呢個post，真係要檢討下你地既質素
服務生：男，帶眼鏡，油頭
最後埋單$1800有找，但除左有個海景俾你睇，食物同服務都極不值！
張貼