堅石燒 (已結業)

今日為左同朋友慶祝生日，特登book左呢間石版燒去再試試佢，對上一次黎食感覺正面，今次面對既極差體驗亦可算係2x年數1數2差。3個人試左3款唔同部位唔同級數既牛肉，老實講以牛質素同價錢係正比既，其他自助區飲食以呢個價錢叫冇咩期待下唔會令你失望。今次最嚴重問題出自服務員身上，月餐時間有90分鐘限制，我地3人去食野嗰時係5點，平日既5點，全場不足10個客，我地一路用餐服務員完全唔忙重有時間傾計，負責我地檯既係一個女仔，一個非常無禮貌唔應該入黎做既女仔，我地3人食到最後15分鐘特然一句叫人埋單話剩16分鐘都算，之後又就咁行埋黎話剩番5分鐘，其實我唔須要你特別招呼我，但最基本一句你好都冇同我係道倒數係咩服務水平，你地跟足規矩同我地計足90分鐘我唔同你爭論，但叫我埋單同我講夠鍾都比番基本禮貌，直到收錢都係1句野都冇講，我地要走嗰刻先有句多謝，今日之後必定唔會食呢間垃圾。其實做得唔開心唔中意份工可以唔做，但做得份工就請比番少少尊重份工同自己。