漁正居酒屋 (已結業)

今日嚟到佐敦覓食，我揀咗一間日本嘅居酒屋，入邊嘅裝飾都充滿日本嘅氣氛。而家疫情嘅關係佢堂食同埋外賣都有折扣，咁樣都慳唔少啊！前菜係苦瓜，但係食落一啲都唔苦，幾開胃。跟住我哋叫咗兩隻室津蠔，隻蠔好睇落去好肥美，食落都幾新鮮，有淡淡的海水味。之後嘅龍蝦沙律勁好食！鍾意呢個嘅配搭，好快就俾我哋清晒。雞泡魚干可以成為品酒嘅小食，呢一度嘅雞泡魚干係比較厚身小小嘅。日式炸雞，炸得香口，點埋沙律醬就Perfect match🥳🥳刺身方面我哋叫咗：鮮吞拿魚赤身、八爪魚、三文魚、烏賊🦑 刺身都算新鮮，特別係三文魚肥美鮮甜。串燒方面：今次特別啲叫咗鴨心、雞腎、雞皮、牛舌。我最鍾意食雞皮同牛舌，燒得恰到好處。之後仲有清酒煮蜆同埋豚肉生薑燒。最後食多個蒲燒鰻魚飯，就真係滿載而歸啦！不得不讚佢啲嘢飲，梨汁同埋蘋果汁，都似係新鮮榨出嚟嘅。