小火焰韓式咖啡廳 (觀點中心) (已結業)

觀塘一直比人感覺都係覓食既好地方，一棟棟工業大廈入面都藏有唔少隱世美食。今次黎到觀點中心入面既小火焰韓式咖啡餐廳，未到放飯時間，已經坐無缺席，睇黎都頗有人氣店內雖然座位唔算闊落，但食物種類都好多元化，而且價錢唔算貴醬燒豬頸肉蕃茄烏冬(7.5/10) 雖然好似係幾普通既野，但竟然都有驚喜蕃茄湯底好濃郁，唔似係外面茄醬溝水，連我平時好少會飲湯底，都忍唔住飮左一半。豬頸肉燒得焦香，配埋上面既辣醬，十分惹味！ 炸紫菜卷(8/10) 紫菜卷外面炸得金黃香脆，入面包住軟軟糯糯既粉絲，口感有層次，值得推薦！韓式甜辣年糕炸雞半份（7/10） 甜辣醬汁偏辣，唔食得辣既朋友可能要注意下囉炸雞外皮偏厚，但肉質香滑多汁，都唔錯！ 年糕係比較幼身個種，口感煙韌，雖然份量唔算多，但因為醬汁本身較濃味，都會幾飽肚，兩個人分岩岩好總括來說，餐廳食物種類多元化，質素中上，性價比高，值得一試！