桐燒日本料理 (已結業)

首先我每年都起碼去一次日本，桐燒雖然無週圍無掛紅燈籠日本字之類嘅裝修，反而令我覺得有真正日本餐廳嘅感覺，特別係清靜嘅環境。侍應亦唔會係你身邊行來行去，但需要時隨傳隨到，態度亦友善及有禮。由於我遲到，其他人已經點菜。上菜的時候反而有驚喜，韓汁牛肋骨有雪花有份量，壽司拼盤有賣相，用料新鮮。其他食品都比想像中OK，睇得出廚房用心，並非一般港式日本餐廳之流。相對於其他日式燒肉餐廳例如牛角、盛八及和光等，食材質數亦互有高低。特別一提牛角，香港和日本差天共地，問題並非食材，而是一個真正燒炭的炭爐。所以在香港吃鹽燒的話，分別只在於食材。若然你選擇信肥仔食神都唔信米芝蓮，我無話可說。只希望桐燒唔好咁快執，因為銅鑼灣閒日晚上七點至八點都唔夠十枱客，最大可能係其他人以為米芝蓮推介就會好貴。另外亦好少見自由行食日式燒肉，唔知係咪怕熱氣？