寿司の神 (已結業)

今日約咗朋友喺元朗行街，難得喺元朗梗係要試吓一啲特別嘅嘢食。行過壽司之神，見入面裝修好有日本餐廳嘅味道，於是同朋友入咗去食🤤🤤餐牌有兩版，見兩個價錢唔係差太多，我就揀咗貴少少嗰個😛😛前菜同小食共五碟。呢碟菜望上去普普通通，但係食落勁好味。左邊嗰碟係靜岡高甜度嘅蕃茄，勁甜勁多汁。右邊係北海道嘅粟米好爽脆得嚟，又好清甜。魚生例如深海池魚，唔使點豉油都已經好好味，碟上面一粒粒嘅係岩鹽。就咁加小小鹽就已經好正。特別要講廣島蠔加馬糞海膽！超出色！令人難忘🤤之後就有用盡成隻鮑魚整嘅前菜，特別在用左肝去整個醬，好濃郁。壽司分別為新鮮凡立貝，白蝦加竹炭鹽，黃芥末加漬吞拿魚赤身，鯖魚，北寄貝！😳新鮮到師傅拍佢仲會收縮，拖羅油脂亦冇得同赤身比，各有特色，再黎就係北海道白海膽，子池道蟹(花蟹)同鯖魚。差唔多到尾聲，有師傅特製三文魚籽飯，比坊間嘅甜，但又不失咸鮮味，最後就有湯品同水果。總括來講，餐廳服務好，每上一道餸都會介紹嗰道餸嘅煮法、食飯。食材又落足重本，全部都係日本入口，以呢個價錢來講，一啲都唔貴，下次再嚟元朗一定會再食🥰🥰