可可研究室 (已結業)

睇到開飯介紹呢間有視障咖啡師，諗住去幫襯下呢啲顧用視障人士既社企。點知應該無左了。連個“顧用視障人士咖啡師”牌都無埋。咁唔緊要啦，橫掂上到去，就照食啦。推開門，已經見到幾張四人枱都無人，但張張枱都好多食完既杯碟未清。諗住搵個挨牆的一排櫈，放低個大背囊方便啲。期間有個女人行過，其實我唔知佢係負責執枱既(職員B)，因為圍裙都無條，以為只係顧客。我見到張枱都幾污糟，厠紙，食物殘渣滿枱都係。心諗咁多枱都未清，可能佢忙，清唔切，就自己郁手執咁啲。但清完，我又唔見有位擺, 於是叫友人問職員A(係水吧入面，唔出黎既)執好擺邊。職員A點答會有人過黎執架啦。咁好啦，唯有擺過隔離。跟住職員B問職員A野，職員A大聲答：『佢要自已執就由佢執飽佢!』 呢句遠話我係最遠張枱，有成四米都聽到。 我真係未試過去啲社企餐廳，服務質素連茶記都不如。幫佢執埋仲大聲夾惡。食左個午餐，係好味，但我係女人都覺得細碟左少少。咖啡係好好飲，環境係好靚。但真心希望餐廳注意下員工質素，未食我已經一肚氣了。