京饌 (已結業)

今日約咗舊同事去觀塘食飯，因為六個人又有小朋友，驚比較難等位，所以揀咗哩間中菜館，因為佢可以網上訂座，到時唔使周圍騰。好開心可以坐窗口位，景觀開揚，自然光令人覺得舒適。我哋叫咗好多嘢食，酸菜魚、雞絲粉皮、肴肉、黑醋排骨、生煎包、韭菜炒拉麵等等，大部分都好味道！我自己特別鍾意黑醋排骨，本身好鍾意食酸酸甜甜嘅嘢，黑醋正正啱我胃口。排骨份量多，醬汁濃稠，味道惹味，排骨入味，肉質都幾嫩同有彈性，唔會硬或靭，真係好想叫碗白飯撈汁食！酸菜魚都好正，酸酸辣辣好開胃，調味同辣度都啱啱好，魚片新鮮嫩滑，個個都爭住食。雞絲粉皮都好食😋，粉皮塊塊分明有彈性，加入麻醬好惹味清新。