部屋咖啡室

🔸黑松露雜菇意大利飯香濃忌廉味，醬汁都幾多，唔會食到乾爭爭，松露味唔算太重，不過都ok，配料嘅菇菇好多，意大利飯軟硬度適中。🔸越式炸蟹餅唔係新鮮蟹肉，係似打邊爐個種丸，不過都炸得幾香口，有泰式辣醬可以點下。🔸蜜糖雞翼蜜糖汁夠多，食落都Juicy。🔸雪糕伴朱古力香蕉厚多士多士真係幾厚，有輕輕烘過，切落去多士邊都仲脆。鐘意佢夠多朱古力醬，加埋朱古力味雪糕，雙重朱古力🍫🤤🔸凍朱古力正常發揮，都幾濃嘅朱古力味。有時樓上Cafe俾人嘅感覺係食物質素麻麻地，為嘅都只係同朋友搵個地方坐下傾吓計玩board game，不過呢度嘅食物比我想像中好，尤其是係個意大利飯，都幾好食！