影片
更多
2021-07-21
1901 瀏覽
餐廳門口細細，要行一條樓梯仔落一層地庫！地庫既環境裝修幾靚，擺滿左好多八十年代日本動漫海報同裝飾，客人圍住吧枱坐，前面放滿食材，好有深宵食堂既感覺，幾特別🤣 但可能因為係地庫關係，一入到去已經好大陣廁所渠味，同店員反映之後，獲得調位機會一次，轉左位之後好少少，但食食下又聞到😅 .酒鬼既我通常都一定會叫酒，打黎book個陣已經問餐廳可唔可以帶酒，店員告知可以買一枝帶一枝！咁黎到，我再問清楚可唔可以點300ml既清酒，佢就話要720ml先得！都唔緊要既，甘我地今晚淨係飲呢度啲Sake 啦，照叫300ml既清酒，正常人應該係諗300ml一枝啦，但佢原來係係枝1.8L度倒出嚟俾我😅 都算，其實我就叫左枝.📌八兵衛 無濾過生酒 300ml $3xx-4xx 2020年三四月出產😳 後來先發現，見到旁邊未開既酒就咁放係室温，包括生酒！一飲，生酒變古酒🤦🏻♀️ .坐係爐端既話，師傅會用長木漿將食物送到你面前，幾得意🤣.📌前菜二種: 山葵八爪魚+鹽辛螢光魷魚 $58正常發揮！.📌粒貝壺燒 $190入面已經切好左薄片，食落爽口，但無咩味，粒貝食完可以用隻杯仔倒啲熱湯出嚟飲，味道飲落鮮甜！.📌島根縣產大蛤
地庫既環境裝修幾靚，擺滿左好多八十年代日本動漫海報同裝飾，客人圍住吧枱坐，前面放滿食材，好有深宵食堂既感覺，幾特別🤣 但可能因為係地庫關係，一入到去已經好大陣廁所渠味，同店員反映之後，獲得調位機會一次，轉左位之後好少少，但食食下又聞到😅
.
酒鬼既我通常都一定會叫酒，打黎book個陣已經問餐廳可唔可以帶酒，店員告知可以買一枝帶一枝！咁黎到，我再問清楚可唔可以點300ml既清酒，佢就話要720ml先得！都唔緊要既，甘我地今晚淨係飲呢度啲Sake 啦，照叫300ml既清酒，正常人應該係諗300ml一枝啦，但佢原來係係枝1.8L度倒出嚟俾我😅 都算，
其實我就叫左枝.
📌八兵衛 無濾過生酒 300ml $3xx-4xx
2020年三四月出產😳 後來先發現，見到旁邊未開既酒就咁放係室温，包括生酒！
一飲，生酒變古酒🤦🏻♀️
.
坐係爐端既話，師傅會用長木漿將食物送到你面前，幾得意🤣
.
📌前菜二種: 山葵八爪魚+鹽辛螢光魷魚 $58
正常發揮！
.
📌粒貝壺燒 $190
入面已經切好左薄片，食落爽口，但無咩味，
粒貝食完可以用隻杯仔倒啲熱湯出嚟飲，味道飲落鮮甜！
.
📌島根縣產大蛤 $58 x 2
大大隻肥美又新鮮，個汁都清甜！
.
📌 豚肉大葉卷 $45
燒香左既半肥瘦豬肉，唔會太乾，
加埋味道獨特既紫蘇葉，減低左肥膩感！
.
📌雞翼 ($38一隻x 2)
$38一隻其實係咩玩法😆 味道正常！
.
📌宮崎黑豚腩串 $46
油分足，肉味濃，加左啲檸汁🍋幾好食！
.
📌櫻花蝦餅 $58
炸得脆口，呢個好食！
.
📌塩燒鰻魚串 $62
唔係平時個啲蒲燒鰻魚整出黎，係用左
新鮮鰻魚燒，魚肉彈牙，燒得啱啱好，唔腥，但味道好淡，可能落少左塩！
.
📌秋葵$35
📌青椒仔$38
📌露荀 $32
三款都係用照燒汁燒，雖然燒到唔老，
但汁太多，入面浸住成泡汁，好咸😅
.
總括嚟講，本來想一解鄉愁，但環境除左decorations 幾得意之外，渠味真係搞唔掂🤦🏻♀️ 秒速係日本回到深水埗公廁🤣 食物質素其實唔係唔好，串燒普遍OK，但無一啲令你會記得既種類，菜類就咸到不得了！價錢方面，兩個人唔係好飽都食咗$1,xxx，喊出嚟，質素同價錢唔成正比，之後去左啪碗x姐清湯腩平衡心理🤣
張貼
