鮨川 (已結業)

上週末約咗兩位朋友諗住食好啲，特登早一日嚟預約試一間新嘅Omakase日本菜，我哋3位都揀咗中等價錢Omakase set，每位$1580未計加一服務費。我哋揀咗table seats，全晚與兩位師傅零交流。全晚只見另外兩位客人坐吧枱，連埋我哋呢枱只有兩枱客。經理有詢問我哋有冇食物唔食，有介紹每一道菜，但全晚冇其他多餘說話。食物新鮮，但不至於好有驚喜。埋單時見電子付款機上建議客人俾15-25%小費，可選擇小費最少由5%起。而全晚我哋感覺餐廳師傅及經理態度冷漠，無任何服務值得俾額外小費。我哋覺得餐廳服務態度有待加強，非常不滿咁高級嘅餐廳竟然向客人要求收取指定小費。結果3人埋單，除咗已收加一服務費$474，最後我哋不情願地加咗5%小費$260，一共$5474.7，因為電子付款機上搵唔到點樣可以唔俾小費。其實全憧大廈仲有其他幾間日本餐廳選擇，下次一定唔會再嚟呢間，亦都唔會推介俾朋友。