Flames (黃埔天地)

營業中

休息中

大家千祈唔好比佢搵明星拍下劇就呃左去食。先講食物，叫左一個二人晚餐，個粟粉湯叫做係成餐飯唯一可以嘅食物。加錢揀左個12安士西冷配薯蓉，塊扒又唔夠熱，越食越咸，咸到食剩三分一真係食唔到，塊扒本身都食得出唔係啲咩優質貨，完全唔合乎佢價錢，只有椰林閣級數。個薯蓉直情凍嘅。另外再加錢揀左個海鮮pizza，又係唔熱嘅，啲海鮮勁腥。到甜品係兩件自家製cake，件cake唔知雪左幾多日，硬到咩咁。講講服務有幾差，首先基本上入去水都無一杯。入座佢會同你講嘢飲買一送一，到你埋單你先會留意到佢有細字寫酒精先有買一送一。全程食飯其實想叫個侍應都難，係無人留意你，舉極手都無人理你。食食下啲職員無啦啦開後門入嚟，勁大風吹到成枱塵，完全無顧客人感受。然後喺Openrice訂位優惠都係誤導，個訂位優惠話有7折同可以嗌二人餐同四餐，但其實如果嗌左二人餐或四人餐，就唔會再有7折。Openrice上嘅優惠介紹文字非常之誤導。ok，當我自己無睇清楚，同侍應釐清張單嘅時候佢哋態度係勁差，甚至發脾氣將張單大力扔喺枱就走左去。成晚真係比錢買難受，而且佢成間餐廳係無一樣嘢值得比佢個價錢，食完返去肚痛添。