Ben哥廚房 (已結業)

今日Ben哥不在(少有)，佢老婆坐陣我就試左此店，餸菜其貌不揚，不過味道不錯份量足，我叫的是鮮茄紅酒牛脷飯，多用途便當格仔碟上，餸、飯、菜三格分明，牛脷係厚切上等貨色，夠多夠腍夠味，兼有醒胃茄汁及紅蘿蔔，飯量剛好夠男子漢吃，另有三大顆翠玉瓜作均衡營養配菜，順带一提牛脷(每個餸)是經特意個别烹熱，可見用心。$48中上價但大滿足無揀錯。如要說改善空間，就是應附加上牙簽及簡單飲料，再者如可跟餐配買甜品則更完美，米浪費Ben哥廚藝及額外盈利機會！