翠園 (已結業)

今晚去食翠園，耐唔耐都會捻起佢嘅梅菜扣肉，撈飯好正，如果再多D梅菜同汁就唔掂，起碼食2碗飯，肥死，今次水準依然一樣咁正，仲有籠仔蒸蟹炒蛋白飯底，上面D蒜茸好香，蟹就不過不失普通肉蟹，另外叫咗半斤蝦+脆皮雞半隻，特價$128，上湯莧菜和杏汁露筍，都唔錯，有次去叫咗個牛肋骨都好正架！坐卡位舒服但冷氣唔夠，同埋冇乜伙記架，次次去都冇乜人招呼，要叫好耐先叫倒人，張枱又冇派濕紙巾和餐巾，又冇比工筷，叫唔倒人唯有响隔離枱自己攞，好彩個梅菜扣肉好味，如果唔係都未必耐唔耐會去。