翠園 (已結業)

今天叫了一個套餐$328, 有炸子雞半隻, 金銀蛋時蔬, 蒸青班, 炸子雞夠滑、皮夠脆, 時蔬夠嫩, 青班夠新鮮, 服務也很周到, 今天晚飯仲有魚翅送, 話明係送, 都唔好咁高要求囉(因成碗都係得幾條翅咋)。計埋飯, 茶芥, 甜品, 加一服務費, 總共$440。

滙豐咭做緊promotion，可以六折價錢到美心享用指定套餐。$650一份四人晚餐，都算實惠。另外，翠園亦仕做緊另一個promotion，可以$38享用南非鮑魚乙隻。上湯焗開邊龍蝦：每人半只，龍蝦質素不俗。花膠元貝雞絲羮：和平日吃的雞絲翅味道差不多，只是沒有魚翅吧。口感方面，因加了花膠的緣固，多了一點彈牙感。鮮百合榆耳帶子：OK。清蒸老虎斑：老虎斑大小剛好，肉質嫩滑有鮮味，yummy！頭抽醬油雞：醬油雞有半只，雞肉肉質不肥膩，鮮味不俗，good！上湯浸津膽：OK。原隻南非鮑魚：鮑魚汁幾好味。鮑魚本身味道雖不算十分濃郁，但口感亦不會韌，以$38一隻的價錢來說，值得一試。雖然是套餐，但竟然沒有飯麵甜品生果，差了一點點。另外，店方上菜非常快，有趕收工之嫌，以美心standard來說，服務算係below mean喇。

薑餅人一家今年選在翠園吃團年飯, 是夜八個人要了六人餐也夠吃(但加了$80x2作為增加其中兩餸分量之費用, 後發覺幾唔抵, 不過無所謂啦, 最緊要一家人和和氣氣, 吃得開開心心嘛!)金陵伴錦繡 - 其實即是燒味拼盤, 有我愛的海哲, 還有乳豬, 油雞, 叉燒和燒鵝.發財好市大利 - 很久沒吃髮菜, 雖則環保關係已少吃, 但不得不承認我真的愛吃髮菜的事實.鑽石花姿球 (加$餸之一) - 有炸鮮奶及墨魚球, 墨魚球混了青葱粒頓變得清爽起來.翡翠蝦仁蚌片 - 清翠鮮甜, 不知不覺吃了數片至愛的蚌片.鮑參燴魚翅 - 魚翅不多, 但湯底幾鮮甜.碧緣翅鮑菇 (加$餸之二) - 鮑菇大片爽脆, 生菜墊底.清蒸海鯖斑 - 魚肉也算嫩滑.壹品蒜花雞 - 胸肉粗鞋兼乾爭爭, 伴上的調味豉油汁更為吸引.臘味糯米飯 - 用荷葉竹籠上, 但吃不出荷葉香, 糯米飯粒粒上色, 臘肉蝦米切得細細添香氣.鴻運團圓露 - 即是紅豆沙湯丸, 紅豆沙竟然不錯, 香濃起沙.香滑奶皇包 - 饀充滿咸蛋黃香, 也幾流沙.多謝薑餅叔叔請客, 預先在這裏向大家拜個早年, 祝各位身心健康, 開開心心~~~

位處希慎道的這家翠園﹐一直不是我的晚飯首選﹐卻曾經帶給我一個很美好的回憶。九月份某一天﹐如常隨意來到希慎道的翠園吃晚飯。選擇這家而不到銅鑼灣廣場二期的那家翠園﹐最主要目的是這家比較清靜﹐卡位比較多﹐但我亦知道﹐它雖然歷史較為悠久﹐但食物質素卻一直徘徊不前﹐水準只是一般。當晚我們點了例湯、梅菜扣肉、白灼蝦、甜品。白灼蝦和例湯真的不需多作介紹﹐蝦就是一貫的中蝦﹐尚算新鮮。例湯是粉葛湯﹐喝不出有味精﹐也不會太鹹﹐不錯。梅菜扣肉這道看起來只會令人覺得肥膩的菜﹐卻是有時候吃得太寡飯菜的清泉。做得好的梅菜扣肉應該是肥瘦均勻﹐看到一層油但吃下去卻一點都不覺油膩﹐入口融化﹐而梅菜不可以太鹹。我覺得這裡做的﹐算水準之上。本來是一頓平平無奇的晚飯﹐就是因為飯後往禮頓道遇上陳奕迅而變得精彩。飯後我一個人步往禮頓道﹐那一段是較少行人的。我在經過一間新開的手甲店後﹐剛巧陳奕迅與我擦肩而過。看到他進入一家沖晒公司﹐我在門口等了他一會﹐待他出來時請他為我簽名。我對自己的行徑也有點奇怪﹐因為嚴格來說﹐我不是他的歌迷。但他是大方地在我的記事本上簽名﹐而且笑容滿臉。簽完名後﹐他好像沒有趕著離去的意思﹐我便跟他聊了幾句﹐他

The restaurant markets itself for business luncheons, and family dinner given its location at CWB. It also offers 25% discount when you use AE Platinum card. In addition, it offers special of the day at half price. So I decided to give it a try. Big mistake! The service was non-existing. We ordered soup of the day, and the waiter did not even bother to serve the soup. I had to scope bowls of soup from the pot for the table. This is as bad as it gets for a Chinese restaurant. It seemed that there

舊同事從加拿大旅行回來,約埋我和另外2位同一起吃飯,由於同事們比較喜歡這裏,我們就在此吃午餐了.我們叫了鼓油雞:好多肉又唔霉,啖啖肉,鹹鹹地幾好味芥蘭:取唔鐘意外面的市肆無摘花,好唔衛生.芥蘭幾鮮甜,又唔會好老有渣,唔洗點蠔油都好好味.雲吞米線:米線煮唔透硬硬的.雲吞是菜肉的,清清地好好味.湯底清甜,只是米線實在不濟要改善.咖喱蚌片($70),咖喱唔算好突出,蚌片幾爽口,翠玉肉瓜清甜,這個餸都唔錯,只是汁有點杰.蛋散:$38.蛋散整得鬆化,只是唔夠蛋味,最好味道唔太甜,只是價錢實在太貴,38元唔係幾值,如果俾我就唔會叫了服務:一般,唔會好熱情,同埋有個別待應有點懶惰,這間酒樓只是會對熟客服務殷勤,生客好一般

今日和媽晚飯, 都係食一般的中餐.知佢愛食燒味, 特地揀了來翠園!坐上頂樓 (我都唔知係3樓定2樓, 因為個lift 係"又三又二"的亂晒的...) 6點幾, 唔太多人.叫了幾個小菜, 另一個义燒列.仲有特價的118 蚊一條蒸魚.都好快有得食. 通菜炒得幾好; 夠鑊氣;蒜帶子也不錯. 帶子都幾好食, 但好像切到好薄咁既...蒸魚上果陣係甩頭的, 媽見到唔太高興....低蒸得幾好, 魚本身都新鮮.個义燒唔得, 末試過咁差, 又燶又勁肥, 肥得黎又韌, 大失水準!叫部長cancel左.服務方面, 成日找不到人.收這價錢, 咁既service, 過份點吧? 加上這招牌义燒...話晒都食了十年, 估不到今日要流第一滴淚!

成大半年冇去翠園, 都唔記得呢度好難叫人, 但耐唔耐都會捻起佢嘅梅菜扣肉, 好入味, 要撈飯先正!梅菜扣肉 - 好入味, 但今次唔夠汁, 得好小汁杞子浸翡翠苗 - 幾好味, 小有D, 但本身菜苗有D草青味瓦撑陳滷鵝 - 好蘇, 食唔倒要換脆皮牛腩 - 麻麻咋, D牛腩冇乜味生煎黑豚肉 - 呢個係最好味, D肉好滑, 用西生菜包 (換瓦撑陳滷鵝)甜面豬肉 - 牛展, ok甜甜地今次去叫人仲比以前辛苦, 如要再去一定要坐正中間, 或者近D吧位,實有人响嗰度, 但唔明唔係好旺只得10枱多, 都次次等咁耐, 最慢係等飯同飲品, D侍應又乜乜咁, 又冇高級D嘅樓面, 咁大個集團,特別呢間比較差, 呢家經濟咁差, 有時出去食飯都會比以前更難選擇, 雖然佢嘅價錢減咗D, 冇以前咁貴, 但服務一定要改!!!衛生麻麻, 坐卡位邊邊好多塵, 好耐冇抹, 女洗手間好"壓"!!!

「＄１４８二人用商務午餐」可能真的是專給商務用，因為份量很少很少。預設的兩款點心是蘿蔔絲酥餅和蝦餃。尚算新鮮上桌，前者入口酥脆，不太油膩，但內裡的蘿蔔餡則有點馬虎和糊口，跟周莊水鄉（ＯＫ，我不應以它為standard）相距甚遠；的骰的蝦餃皮不薄、餡可以。跟餐也有兩碗什麼魚羹。有點像碗仔翅，不過味道有點腥（是果皮的腥WOR）。自選小菜兩款，份量也是不多。豉汁帶子蒸豆腐是預期中的味道，沒有特別；香辣豆豉爆雞就幾好吃，原個砂鍋端上，吱吱作響，熱氣之最，正。龍井有點苦澀哽喉，有待改善。

本人和家人(共7人)於3月8日12.00pm到希慎翠園二樓飲茶(枱號393/Guest Check:115052)。其間酒樓唔滿客，仲有"吉"枱。樓面侍應生招呼散慢，又不替本人加熱水，又不清理枱面"吉"碟，叫又唔應，態度又差。本人叫了一窩雪菜火鴨絲窩米，等了超過20分鐘侍應生先話冇火鴨絲叫我轉肉絲窩米，之後我再等了15分鐘，期間催了3次先至有得食，一聲"唔好意思"都冇，感到非常失望及憤怒！

今日有豬豬女友陪, 所以和媽來了飲茶都唔驚.媽不太餓, 我們看看menu, 最後叫了個180蚊餐, 有燒味+兩點心+ 一菜.另媽係指定要迷你波蘿义燒包的, 所以都叫了一碟.燒味叫了雞及鴨. 美心的燒味一樓都係有水準的, 今天的也冇問題, 只是雞得一隻雞翼, 略少吧!另一斬, 所有翼的骨都碎晒, 中翼的兩骨由兩條變成n 條尖骨勁無奈!菜又係魚湯的, 真的不錯, 湯也鮮味. 菜都不少呢.兩點心分別係豆苗餃及蒸鯪魚球. 兩味也好有水準. 迷你波蘿义燒包真的好食, 义燒又不太肥, 包上的塊"野"又脆又甜, 好食.服務很好. 3人食了250.

媽媽的生日習慣計農曆,所以,次次都係農曆年前慶祝,翠園係美心集團,銅鑼灣店食過幾次,今次乾趣叫團年套餐,全部都適合媽媽,清清地,食完重可以行年宵,4人套餐只有1款$888(好意頭, 但全是大路野):1.玫瑰豉油雞半隻-哩度d燒味,好似叉燒, 油雞咁都整得唔錯架!2.紅燒竹笙雞絲翅-套餐,期望不會好大,但真係好淡,湯底唔得3.發財添好市-蠔豉都夠大粒,又入味,豆苗夠嫩4.翡翠花枝蝦仁-蝦仁剛好4粒,花枝一般5.清蒸海星斑-無過火,肉質夠滑6.合家慶團圓-合桃露芝麻湯圓,甜品我一向麻麻地鍾意食,試幾口唔太甜,但好似有少許"窿"味水準穩定,服務好,最緊要媽媽都好開心,一家人齊齊整整!

美心集團下餐廳，質素係有一定保證嘅！杏汁白肺湯：奶白色的湯水，散法着清香的杏仁味，未食已很吸引。杏汁味非常香濃，連湯內的菜膽也洋溢着陣陣清香，非常好瑤柱琵琶豆腐：賣相唔錯，魚肉豆腐味道配合得宜，ok士多啤利骨：士多啤利味唔算突出，幸好肉排夠腍夠入味，追回分數瑶柱上湯什菜煲：什菜新鮮，瑶柱上湯味道都唔錯，ok栗子焗西米布甸：味道ok，唔算太甜，不過西米布甸唔夠firm，放凉一點會更好

今日同同事FAREWELL 呀~ 去咗呢度食午攴我吔一行14人,叫咗 3X 籠點心呀~等我介紹我食過既東西比你吔聽啦~# 蝦蛟 ~ 有蝦肉加埋荀 都好好味, 有口感呀# 燒賣 ~ 好多肥肉呀~ 一般啦# 流沙奶皇包 ~ 剛剛蒸好..好熱但就不夠流沙丫~# 皮蛋瘦肉粥~ 都OK 好味~# 帶子腸粉~ 帶子一件件, 但就細咗D啦~# 蝦腸粉~ 皮薄 加 原隻蝦~ 都OK 架~# 菜苗餃~ 多菜, 好味道 ^^仲有好多其他的點心,個個都有水準,都好GOOD 架~全張單: 14XX (多謝阿姐請客呀)

今晚去食翠園，耐唔耐都會捻起佢嘅梅菜扣肉，撈飯好正，如果再多D梅菜同汁就唔掂，起碼食2碗飯，肥死，今次水準依然一樣咁正，仲有籠仔蒸蟹炒蛋白飯底，上面D蒜茸好香，蟹就不過不失普通肉蟹，另外叫咗半斤蝦+脆皮雞半隻，特價$128，上湯莧菜和杏汁露筍，都唔錯，有次去叫咗個牛肋骨都好正架！坐卡位舒服但冷氣唔夠，同埋冇乜伙記架，次次去都冇乜人招呼，要叫好耐先叫倒人，張枱又冇派濕紙巾和餐巾，又冇比工筷，叫唔倒人唯有响隔離枱自己攞，好彩個梅菜扣肉好味，如果唔係都未必耐唔耐會去。