詠藜園四川菜館 (已搬遷) 新店位置

呢一餐係上星期六同仔仔同阿媽去食的, 地點係詠藜園 三個人去食, 叫四樣野, 包括了招牌擔擔麵, 炸豬扒雞蛋飯, 雞絲拉皮同油炆筍 擔擔麵要小辣的, 但係都係好辣, 仔仔完全食唔到, 下次再食一定要走辣先得, 味道就ok, 湯好杰, 花生的味道好香, 師父都幾好手勢 炸豬扒雞蛋飯就啱哂仔仔呢類小朋友, 味道就同洋蔥豬扒飯分別唔大; 雞絲拉皮的粉皮好滑, 個汁都幾好食, 有少少青瓜絲伴之, 口感涼快, 夏天食更佳! 油炆筍的味道比較溫和, 唔會好咸, 都幾好味, 所有的食物整體水準都幾好, 不過兩位阿姐的服務就一般, 有點冷酷 撇開服務, 都算係一間可以幫襯的餐廳