Second Sip by Studio Caffeine (已結業)

星期五嘅傍晚同朋友來左呢間簡約精緻嘅Cafe食晚餐，很驚喜地發現呢度嘅食物、咖啡都好有水準。All Day Breakfast好大份，好足料！炒蛋嫩滑，熟度掌握得好好，有蛋汁流出來。煙三文魚同沙律嘅蔬菜都好新鮮！腸同煙肉味道都唔錯、唔係太鹹(之前曾經食過一啲餐廳係超鹹)。最特別係個Toast唔係平時普通嘅烘麵包，而係類似英式鬆餅嘅麵包，非常鬆軟，裡面仲夾住牛油果！！Matcha Pancake賣相好靚，配料亦都好豐富，有多種水果、雪糕、紅豆、麻糬、忌廉！Pancake質感鬆軟，加左抹茶粉落去整令到抹茶味完美融入pancake之中，食嘅時候再點埋抹茶雪糕同紅豆，味道同口感都好豐富，超級好食！！雞翼小食雞翼係無骨雞翼，食起來好方便。呢款類似係香烤雞翼，味道較重偏鹹，如果係蜜糖雞翼的話，我會更加鍾意！Vanilla Latte拉花圖案好特別，係比較少見嘅天鵝！咖啡味道濃郁，飲嘅時候淡淡嘅雲呢拿味慢慢散發出來，水準幾高！