校長燒肉日韓料理 (觀塘廣場)

營業中

休息中

觀塘人口密度超級高，不論係住宅，還是商業大廈，最近新開左一間放題、燒肉任食嘅「校長燒肉日韓料理」，分咗唔同時段，有唔同收費！但收費完全合理，已經人頭湧湧！新鮮食物都已經以一盤盤嘅形式放於雪櫃，絕對衛生整齊！除咗雪櫃一般盒裝、罐裝飲品，非常欣賞仲有多款花茶，迎合到各人需要！壽司同熟食方面選擇都幾多，而且食物質素非常好，最主要係非常衛生！客人都好合作，戴晒口罩先出去攞嘢食！燒物方面，有好多唔同種食材，最主要係一款食材多款口味，包有一款係合心意！爐嘅版面已經放咗牛油紙，絕對冇因為手殘而浪費食物，對於唔識煮嘢食嘅我來講，牛油紙實在係恩物！甜品方面除咗有自家製，亦都有現成嘅，當中有我兒時最鍾意嘅「大腳板」👍🏻由於新開嘅關係，店員好nice地送咗張VIP咭俾我，幾時嚟都會有折扣，另外，生日仲抵！傳單寫明全單人頭費八八折！抵呀！