Go Inside Kitchen (已結業)

一向都係開觀塘區番工，平時都中意去D工廈搵下野食，依間係朋友之前食過話正，所以今次專登黎食lunch打算試下，有少少難搵，要轉個彎先見到，不過野食就幾正，夠高質！依度環境夠寬落，冇咩特別裝修，但可能我兩點先去食，冇咩人，所以坐得幾舒服。侍應岩岩落完單，轉頭好快就送左是日餐湯同蒜蓉包，湯味道幾特別，個花畫得好靚，蒜蓉包又夠香，外脆內軟，都幾好味。午餐menu都多選擇，我自己就叫左澳洲西冷扒配紅酒汁，叫左七成熟，聞落已經好香，之後再試，煮得岩岩好，夠嫩口，勁多肉汁，下次一定要encore！朋友叫左個斧頭扒，好大份，肉好厚，煎得好香加錢叫左小食同甜品，雞翼燒到金黃色，聞落香但食落一般，不過不失。另外甜品就叫左brownie，賣相幾好，味道都不錯，但糖霜多左少少。整體都幾好，特別係個西冷扒，又夠juicy，口感又夠嫩，值得推介！下次再黎！