霞小飛 (已結業)

朋友請食生日飯，第一次試霞小飛，入到去坐圓枱，唔駛同人逼，坐落就覺得個冷氣好凍，個風口吹到正，職員話商場冷氣冇得較，唔好意思咁話喎。算數，飲啖茶暖吓，茶幾香，係蕎麥茶。點咗雞絲粉皮、义燒撈麵、小籠包、炒四季豆。雞絲粉皮係我嘅最弱愛，花生醬好夠味，青瓜絲亦新鮮，唔錯。炒麵好香，上枱時熱辣辣，擺咗5分鐘已經吹凍晒，本來係好味嘅，但享受唔夠一陣就凍晒，真係可惜。四季豆都炒得香，d肉碎唔會好咸，食落惹味，又係，擺一陣就凍晒。小籠包最耐凍，因為入面有熱湯浸住，肉質鮮美，湯嘅份量略少咗d, 但都唔可以擺太耐，15分鐘就凍晒。其實食物唔錯，但俾冷氣影響晒美味，實在可惜。